Sunday, November 25, 2007

ســـــــــجــايــــــــــر



بستسلم
وف لحظة ضعف
باختار لها موته
يا تموت على كف إيديه
يا تموت مع شمس المغرب
ماهى دايما كت تستنى الواد المغرب
على أول ناصية غُنا بتحوّد
تلقاه مستنى وحاضن كف إيديه بإيديه
إتأخرتى/
ـ السكة بعيدة
والحلم الساكن قلبي كبير
معرفتش أنط مسافة الحلم لوحدى
فجيبته وجيت
بستغرب
لما ألاقيه بيحنى إيديها ببوسه
ويتبت على كف إيديها في حضنه
كت فاكراه بيتبت ع الحلم
أتاريه بيتبت على وجعه
وبينقش جواها ملامح موت هيعلّم
بيسيبها
على ناصية شمس بتتكسر وقت الموت
ويفارق ويّا ملامح بكرة
والشجرة الــ كانت تشرب من حكاويهم
بتشيخ
من كتر ماكت تستنى معاها
بتصعّب
على حال البنت المستنيه الواد
والواد الغايب مبيرجعش
فبتتعلم تتهجى الليل بسجاير سرقه
وتشكل بالدخانه ملامحه
وتقرب
فيغيب
فتقرر تحرق كف إيديها المتحنى بريحته
يلسعها رماد الحلم
ويتبت جواها الـ....واد
ـ/الموت
ـ /الحلم المهزوم
فبترقص
وتغنى حزاينى
وتدخن سرقه
بتحاول تحلم بنهار بتصبح فيه الشمس عليها
والشمس هناك وياه ورافضها
مهو واخد ضي الشمس معاه
بتحاول ترسم نجمة بتلمع جوّه الليل الغامق
فالعتمة بتتلون بنجوم بهتانه
فمعدش بيفرق ويّاها الليل م الضي
...............................................
ملعونة البنت اللي مابين شفايفها سجاير سرقه
ملعونه اللـسّاها بتحمل ريحة الواد
ملعون الواد
السايب كل ملامحه بتغزل جرح
.................................
سيبالها التفاصيل حكايات
بتغنيها بناي مشروخ
وبتضحك على جرح الصوت المخنوق بعياط
فبيتلاقى البكا والضحك
فبترقص
وتغنى حزاينى
وتدخن سرقه

غادة عاطف
يونيو 2007

19 comments:

عمرو عزت said...

جميلة جدا القصيدة

بس شايف المقطع :
" ملعونة البنت اللي مابين شفايفها سجاير سرقه
ملعونه اللـسّاها بتحمل ريحة الواد
ملعون الواد
السايب كل ملامحه بتغزل جرح "
مش في نفس جمال باقي القصيدة

و متهيألي القصيدة أجمل من غيره

تحياتي

The Groom said...


هي عايزة لسه شغل كتير

بس محاولة جميلة جدا :)

احييكي واكملي ما بدأت

وزينيه

تحياتي لك من ماناساس البلد

البدوى الاخرس said...

فبيتلاقى البكا والضحك
فبترقص
وتغنى حزاينى
وتدخن سرقه

جميل جدا تداخل حالة الضحك والبكاوالرقص والحزن شئ من اللاوعى عند البنت مع الوعى التام بكل مفردات القصيده
حاله مش اى حد يمسكها
للامام ياسندريلا العاميه
وافتكرى انا اول واحد اطلق عليكى هذا اللقب
وياريت الحاله تخرج منك وندور على حاله جديده ف اى مكان
زورينى وبلاش بخل
المخلص دائما البدوى الاخرس

محمد قرنه said...

جميل جدا يا غادة

نفس الملاحظة السابقة من استخدام بحر غير مستخدم بكثرة للعامية

بس الملاحظة التانية هي الموسيقى الداخلية اللي بتشكلها طريقة بناء المشهد من مجموعة الصور مع غياب التقفية

ودا مشوفتوش كتير في العامية للأمانة بس جميل

أكثر ما أعجبني

(والواد الغايب مبيرجعش
فبتتعلم تتهجى الليل بسجاير سرقه
وتشكل بالدخانه ملامحه
وتقرب
فيغيب
فتقرر تحرق كف إيديها المتحنى بريحته
يلسعها رماد الحلم
ويتبت جواها الـ....واد
ـ/الموت
ـ /الحلم المهزوم
فبترقص
وتغنى حزاينى
وتدخن سرقه )


دومي بخير

إبـراهيم ... معـايــا said...

طيب، اسمحي لي ف الأول اتفاجئ ، لأن مش كل من كانت كتابته حلوة، بيكتب شعر حلو، كا الذي قرأت توًا ، واااضح إن موهبتك في التشكل جدًا ، ثم أتفق مع من سبقني (حلو من سبقني دي ) لا سيمـــا الشاعر محمد بيه قرنة، ..... مممممممم
أيضًا العنوان مش عاجبني حبـة !

.
.
بس القصيدة فيها حتت كثييير حلوة عالية الإحساس أيضًا
.
ملحوظة صغنونة
أعشر إن غادة عاطف أحلى :)


تحياتي

إبـراهيم ... معـايــا said...

كمان لوحـة إيمان المالكي تحفـة


تحياتي :)

Ezz said...

ماكنش العشم يا غادة ابدتن! سجاير..في الفصل...
سيبك إنتي الصورة المكتوبة جميلة..والله شكلك ممكن تكوني شاعرة...

المهم كيفك أنتي... عن جد مفتقد زيارة مدونتك.. عودنا و العود أحمد...

ممكن سيجارة مارلبورو من علبة روثمان!!!!

سجاير...في الفصل...و سرقة...شوية و تقولي إنك بتروحي تدخنيها في الحمام...!!!!
لكِ وحشة يا ست البنات!!

عز

محمد قرنه said...

أتفق مع إبراهيم في نقطتين


اللوحة وهمية


والعنوان مش عاجبني


تحياتي

غادة الكاميليا said...

أنا كتبت تعليق كبيييييييييييير واتخطف ياجماعه يلا كلاكيت تانى مرة

غادة الكاميليا said...

عمرو عزت
أولا : سعيدة جدا بزيارتك ياافندم
ثانيا ميرسي جدا ان القصيدة عجبتك
ورأيك مأخوذ في الاعتبار طبعا

نورني وجودك جدا

the groom
ان شاء الله
بس دى مش محاولة لانى بكتب من اعدادى
انا بس كتبه الايبل كده لانى اول مرة انزل شعر على البلوج
أمتعنى انها أعجبتك
نورتنى

البدوى الأخرس
نورنى وجودك وتعليقك ياافندم وهحاول أدور على حالة جديدة بدل النكد ده المهم منتظرين ابدعاتك
متقطعش الزيارة وطمنا عليك

محمد قرنه
ياااااه أخيرا ياافندم ده انا من ساعة ما القصيدة نزلت ونحن في انتظار تشريفك
أمتعنى انها أعجبتك مشكلتى بقى بقت في العناوين فعلا لانى مبقتش بحاول أدور على عناوين وأجهد نفسي زى زمان يمكن ملل أو خلل عقلي معرفش
أما بالنسبة للصورة فهي بالنسبه لي تعبير عن حالة التخفي فوق السطح لممارسة الغياب التدخينى في النص
نورتنى جدا يامحمد

ابراهيم ....معاك
ياهلا بها الجو
البلوج وصاحبته تحت امر سيادتك مش عاجبك العنوان نغيره وماله دى اللغه ثريه جدا واحنا ورانا ايه ههههههه
زيارتك تزيدنى بهجة ياافندم
اللوحة مثلما سبق تعليقي على محمد هى تلخيص حالة طبعا دي رؤيتى الخاصة
نورت البلوج وصاحبته ياافندم

Ezz
ممممممممممم ايه التسييح ده هههههههههه ياافندم انا أعمل كده برضوا دي البنت اللى فوق هناك دى
الك وحشه خيي الله لايحرمنا طلتك
نورتنى

الوردة السوداء said...

غادة

انكتب علينا ان سجايرنا تبجى واحدة



الحب ولع فى الدرة يا غادة

عين ضيقة said...

تسلم إيديكى ياقمر

انتى عارفة ان القصيدة عالية معايا جدا

وان شاء الله كل قصيدة تكون حلوة كده واحسن كمان

على فكرة
الواد بيحبك جدا
أو زى ماقالك
بيحبك فعلا

ههههههههههه

سلام بقى

شاب مصري مفروس said...

حلوة القصيدة جدا

بس فيه مقاطع شدتنى اكتر من التانية

وعلى فكرة صحيح السجاير مضرة بالصحة

بس ساعات الحب بيكون مضر اكتر منها

تحياتى

ادم المصري said...

بصي بقي
انا واحد من الناس خجبني العنوان جدا جدا جدا

.
.
.
طبعا من غير الكلام علي اللوحة لانها روعه وسبهك علي فكرة
.
.
ثانيا القصيدة غجباني جدا
وحاسس ان فيها كم احساس عالي جدا جدا
.
.
ودا اللي بيكون بديل عن الموسيقي العالية في الوزن والقافية
لان الوزن فعلا صعب علي العامية
.
.
.
بالاضافة لفكرة الجديدة او يمكن اللي انا شايفها جديدة هروبا من النقاد
تصويرك هايل جدا
.
.
مش فاهم ياعني انت ممكن تكوني شاعرة دي
الجملة دي بصراحه غيظاني
.
.
لان اي واحد عنده القدرة علي ابتكار جملة تعبيرية جميلة
هو شاعر
.
.
الاهم اني باشوف غادة من جواها
.
.
تحياتي يا جميل
.
.
وعقبال الجديد
تحياتي والسلام

كرانيش said...
This comment has been removed by the author.
كرانيش said...

وتغنى حزاينى
وتدخن سرقه


الظاهر انه انكتب علينا

ندخن سرقه
ونضحك سرقه
ونحزن حتى سرقه

دمتى مبدعه
يا
بت يا غاده

غادة الكاميليا said...

وردتي السودا
L vie en rose , l vie en cigarrie
terararam
صباح الدخان ايه الفضايح دي ياسوسو
هجطعك

عين ضيقة
تسلم ايدي دي بتفكرنى بصنية البسبوسه بصراحة
المهم بما ان القصيدة عجباكى كده اتفضلي واحدة فويسروي
هههههههههههههه

شاب مصري مفروس
ميرسي على مرورك وميرسي انها عجبتك وبجد عندك حق الحب كتير بيكون مضر بالصحة أكتر من السجاير
شرفتنى

آدم بيك المصري
ياهلا بها الطول
.
ياافندم أشكحتنى ان العنوان عجبك أول واحد بجواري
.
دايما بيمتعنى ان شغلي في القصايد بالذات يعجب الناس
ان الصورة حلوة ده حقيقي لكن انها شبهي انت كده بتوهم الناس يا آدم
ده أنا على كده حلوة بقى وأنا معرفشي ؟؟؟؟؟
المهم نورتنى فعلا وفعلاأي شخص عنده القدرة انه يبدع جملة شعرية فهو شاعر
.
انك تشوف غادة من جوة ...دى بقى شكلي اتسيحلى انى بشرب سجاير وأنا أصلا بتخنق من ريحتها والله ههههههههه تاخدش إل إم بيضه لايت
ههههههههههههههه
... طلب أخير منك صلح جهازك أو ايميلك مفيش كلمة بكتبها وبتوصلك
.................
نورتنى

كرانيييييييش هانم
ألا ألا ألا هو احنا فينا من بت هههههه احنا مش قلنا الاتحاد قوة بردوا ليه طولة اللسان بقى ههههههههه
احنا ياحبيبتي انكتب علينا نعمل كل حاجة سرقة
ههههههههههههههههه
هيعملولنا سجن انفرادي يلمنا قريب على طرة يابنات
صباح الخيرات

مادو said...

و يأتي الجميع و يرحلون
و يبقى الشعر
نص يستحق

Anonymous said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影