Monday, May 29, 2006

الوجود الكلاسيكي

مجرد وجودي حتى هذه اللحظه على قيد الحياه وامتلاكي لأشيائي الخاصه
تجعلني أمتلك إحساس بحب الحياه حباً كلاسيكيا على نغمات عذبه لفيروز
أو مقطوعات لبيتهوفن لذا فأنا أمتلك الكثير مما يجعلني أحب الحياه زي
(الحلم)
كان عندي زمان حلم كنت بحس إنه صعب يتحقق ودلوقتي بحس إنه مستحيل
لكن مجرد تفكيري في الحلم ده بيخليني مبسوطه لأبعد حدود.
لما أحيانا طبيعتي بتفرض عليّ أخرج غاده اللي جوه وأسيبها لوحدها شويه
وأبعد عنها علشان تاخد قرارها في أي حاجه تخصني لأنها غالبا بتكون صح
إيديه اللي بتمنى وأنا تعبانه وعندي سخونيه جامده هو بس اللي يعملي كمادات
ميه ساقعه..
ساعة لما النور يقطع أتسحب وأطلع جري آخر دور وأقعد على حرف البلكونه
وأفضل أعد النجوم وأبص على النخل اللي في الأرض اللي جمبنا
موسيقى زامفير أو أي موسيقى كلاسيك والدنيا ضلمه في نفس المشهد اللي فات
بشرط ميكونش في قمر موجود ساعتها
صورته المركونه على زجاجة البرفان ويفضل يبص علي وأنا بذاكر
الساعة 3.30الفجر
الشتاء وخصوصاً مع فيروز وكوباية عصير البرتقال المتلجه وخصوصاً ساعة
لما المطرة تكون جامده ونازله على الزرع الأخضر اللي في الغيطان اللي جمبنا
العشر شجرات بتوع الورد اللي في سور بيتنا ومفيش غير شجرة واحده بس اللي
بطلع وأخويه الصغير يقطع الورد بتاعها ,فأتخانق معاه وقوله حرام وأول مخرج
من الزرع يقطعهم
صوت بابا لما بيغني لأم كلثوم
لما بعمل ضفيرتين زي غاده وهي صغيرة وعنيه تكون صافيه وأحط راسي على
رجل ماما وأنام
القراءة في عز الإمتحانات وخصوصا لو طلع كتاب يستاهل
طبق الشوربه اللي محدش بيعرف يبدعه زيي والخلطه العجيبه اللي بعملها فيه
يعني من الآخر تاكل وتنسى
اللون الأبيض واللون الأخضرواللون الأزرق
البحر أقف قصاده بس منزلوش لأن على قد حبي ليه بخاف منه
الوحده احساس آخر يأتي من فكرة التوحد
عند توحد غاده التي تسكنني مع غاده اللي بين الناس وتتصالح كل منهما مع الأخرى
في هذه اللحظه فقط أحتاج إلى الوحده الحقيقيه وحده أشعر فيها بسعاده من نوع غريب
صوت الشيخ صلاح الجمل في رمضان ساعة الفجر ده غير رمضان له طله رائعه
ماجده الرومي ساعة المغربيه في الصيف
أحمد أخويا الصغير لما بيشوف فيلم جديد ويفضل يحكيه ويقلد كل الممثلين اللي فيه
ياااااااااااااااااااااااااااااااااااه
ده أنا طولت أوي بس في حاجه تانيه وأخيرة التدوين والمدونين والناس اللي مررولي
السؤال ده
ودلوقتي أنا مع فيروز ليالي الشمال ياحبيبي أنا عصفورة الساحه
أمرر السؤال ده لكل من
كراكيب
عوليس
يارا
درويش

Thursday, May 18, 2006

وشوشـــــــــــــــه

مهما يحاولوا يطفوا الشمس
مهما يزيدوا علينا الهمس
مهما يقولوا..مهما يعيدوا
انت ف قلبي انت وبس
كل كلامهم مش هيأثر
وأنا ولا هبعد ولا هتغير
يمكن حتى هقرب أكتر
مهما يحاولوا الناس بالعكس
لمحتني أردد هذه الغنوة ، فلتكن أنت وحدك نقطة القوة التي أمتلكها
ولتشبك أصابعك بأصابعي حتى يعانق لحنك كلماتي،اقترب مني
أكثر ..دقق النظر إلى عيني ، لملم منها الحلم الأخضر واغرس
حزنك فيهما ، ولتهدهد على شعري بكفيك ..ولتجعلني طفلتك النائمه
على كتفك ... حبيبي
لتصبح أنت كل ما تبقى لي من الحلم

Sunday, May 07, 2006

آدم هــوّ

يجلس بجانبي، تمر لحظات من الصمت الجميل
احساس بدفئ من نوع آخر،في هذه اللحظه يمكنني
الإستغناء عن العالم كله ما دام معي ،ما بداخلي أكبر
من أن تصفه الحروف والكلمات (فلتسامحني على
صمتي الغريب) وعندما أتهيأ للرحيل تاركة قلبي معه
أعود مسرعه كي أقول له..........لكنه يكون قد مضى
أحاول أن أنادي عليه ،لكن بدلاً من اسمه تكون كلمه واحده
فقط، أتركها تلحق به وأرحل
(أحبك)
ضمني حسسني بوجودك هات إيدك يصاحبني خلودك
(خد قلبي وياك ف صعودك( آدم

Friday, May 05, 2006

Tagged

افتح أقرب كتاب إليك، على الصّفحة 18، السّطر4
الفهرست بتاع كتاب تفسير الأحلام لإبن سيرين
مطّ ذراعك اليسرى قدر ما تستطيع
فراغ لأني موجوده ف البيت لوحدي
ماآخر ماشاهدته علي التليفزيون؟
مسرحية ألابندا
بدون أن تسترق النّظر، تكهن كم السّاعه
الساعه12
والآن كم السّاعة فعلا؟ً
الساعه 12و23 دقيقه
باستثناء صوت الكومبيوتر، أيّ صوتٍ تسمع
صوت التليفزيون مسرحيه ألابندا
متى خرجت من المنزل للمرّة الأخيرة؟ ماذا كنت تفعل؟
النهارده الصبح رحت الجامعه
قبل مباشرتك بهذه الأسئلة، أيّ موقعٍ كنت تتصفّح؟
صفحة فلاح على كرسي العرش (هوميروس
ماذا ترتدي الآن؟
بنطلون أسود و بلوزة بمبي
هل حلمت ليلة أمس؟
مفيش يوم بيعدي من غير م بحلم بس بصراحه امبارح
حلمت بس مش فاكرة حلمت بإيه
متى آخر مرّة ضحكت؟
النهارده من ساعة أنا وبابا (كنت بهزر معاه)عقبالكم
وبلاش قر
ماذا فوق جدران الغرفة حيث تجلس؟
لا شيء
هل رأيت شيئاً غريباً مؤخّراً؟
ليه هو فيه حاجه مبقتش غريبه
ما رأيك في هذا الاختبار؟
حلو والله
ما آخر فيلم شاهدته؟
لأ بقالي كتير مبتفرجش على تليفزيون
إذا أصبحت فاحش الثّراء، فماذا تشتري؟
أشتري طيارة خاصه وأسافر بيها على جزيرة
في وسط الميّه وأسمع هناك موسيقى كلاسيك
أخبرني شيئاً أجهله عنك
بحب العرايس اللعبه
إذا كان بإمكانك تغيير شيء واحد في العالم،
بغض النّظر عن المعاصي والسياسة، فماذا تختار؟
العيال الصغيرين يبطلوا عياط وضحكتهم تكون من القلب
جورج بوش؟
مين الأخ ده ؟؟
لو كان وليدك الأوّل فتاةً، فماذا تسمّيها؟
رقيه
لو كان وليدك الأوّل صبيّاً، فماذا تسمّيه؟
والله زي م أبوه يحب أنا ديموقراطيه خالص
قد تفكّر يوماً في العيش بالخارج؟
فكرت كتير
ماذا تتصوّر أن يقول لك الله عندما تقف بين يديه؟
أتمنى أن يغفر لي ذنوبي ويسكني فسيح جناته
أربعة أشخاص تمررلهم الدور؟