Sunday, May 07, 2006

آدم هــوّ

يجلس بجانبي، تمر لحظات من الصمت الجميل
احساس بدفئ من نوع آخر،في هذه اللحظه يمكنني
الإستغناء عن العالم كله ما دام معي ،ما بداخلي أكبر
من أن تصفه الحروف والكلمات (فلتسامحني على
صمتي الغريب) وعندما أتهيأ للرحيل تاركة قلبي معه
أعود مسرعه كي أقول له..........لكنه يكون قد مضى
أحاول أن أنادي عليه ،لكن بدلاً من اسمه تكون كلمه واحده
فقط، أتركها تلحق به وأرحل
(أحبك)
ضمني حسسني بوجودك هات إيدك يصاحبني خلودك
(خد قلبي وياك ف صعودك( آدم

22 comments:

كمانجه said...

يا بنت الأيه!!!!! إيه الحلاوه دى
بجد انا ماعرفش انت عندك الاحساس دا منين ؛والكلام بيبقى طالع حلو قوى بجد ربنا يوفقك

sha3'af said...

وانتي "حنان " يعني؟
أفهم بس ايه لزمة المقطع النهائي ده المأخوذ من أغنيه ؟
ما البوست كان ماشي حلو قوي من غيره
ملحوظة صغيرة : " اصبري شوية "و

كمانجه said...

أحاول أن أنادي عليه ،لكن بدلاً من اسمه تكون كلمه واحده
فقط، أتركها تلحق به وأرحل
(أحبك)
______________________________
حلوه؛حلوه بجد

karakib said...

غاده هانم
جميل 000 ووواووو بس فعلا الاغنيه مش عاجباني برضه
انتوك

غادة الكاميليا said...

كمانجه
ميرسي على زوقك بس أنا مليانه أحاسيس
ع العموم ربنا يخليك
شغف هانم
لأ أنا غاده مش حنان بس المقطع ده أنا بعيش فيه ونزلته علشان يمكن يوصله
وحاضر يا ستي هصبر مصبرش ليه
كراكيب
ده كله من رقتك والله
ولو الأغنيه مش عاجباك ... مش عارفه مش عاجباكم ليه

ayman_elgendy said...

:-))

sha3'af said...

طبعا يا أستاذه مش الأغنية في حد ذاتها هيه اللي مش عجبانا ، لكن المسألة انها مالهاش مكان في البوست بتاعك
دخيلة عليه بمعنى أصح

mariamagdolen said...

بجدانا حسة وعارفة انت قصدك اية بس زى ما شغوفة قالت الاغنية ملخبطانى
بس بجد عجبانى واحسسها عالى

هوميروس said...

بوست جميل بس انا بتفق مع ان الاغنية مكانها مش هنا او اوضح اكتر الاغنية بتكرر حالة البوست يعني اما الاغنية واما البوست

littilemo said...

لا اظن انك تتكلمى عن ادم ذلك التعيس

غادة الكاميليا said...

أيمن الجندي
هو انت كاتب ايه
بس منور ع العموم
شغف :
وصلتني وجهة نظركم كلكم
هوميروس:
يا الأغنيه يا البوست والله محتارة بس ميرسي على كلامك الحلو ده
littilmo:
أكيد أنا بتكلم عن آدمي أنا
منورة

الحب واشياء اخري said...

زي الهوي ياحبيبي واه من الهوي

tamer said...

الكلام كتير ونفس الكلمات تجدها فى الكثير من الكتابات لكن لاتكون بنفس جمال وتعبير غادة الرائعة

عوليس said...

يبكى ويضحك لا حزنا ولافرحا
كعاشق خط سطرا فى الهوا ومحا

فنجان قهوة said...

ايه يا ست غاده
انتى بتاكلى الكلام ليه؟
فين التفاصيل يل أمى اللى انتى مختزلاها
البوست متكثف بطريقة تغيظ
ركزى شويه يا أمى و ماتخليش خيالك يقع منك كده بسرعة
انا بس كنت عاوزة اسمع اكتر من كده
الاغنية ماعرفتش تعمل اللى كنتى عاوزة تعمليه
انتى عندك كلام أحلى من الأغنية يا قمر

غادة الكاميليا said...

نادم
وآآآآه م الهوى
تامر:
ميرسي على ذوقك وكلامك الجميل ده
أخجلت تواضعي
عوليس:
متعرفش أنا مبسوطه قد إيه
كعاشق خط سطرا فى الهوا ومحا
كلامك حلو أوي
فنجان حبيبتي:
على فكرة أنا فعلا اختزلت حاجات كتير وزي مبتقولي الحدوته متكثفه زياده عن اللازم لكن الأغنيه برده حلوة
ومتزعليش الجايات أكتر من الرايحات

مأمون المغازي said...

تكثيف رائع وجميل يا غادة نابع من مشاعر جياشة بالأحرى عليكِ أن تطلقي الشلال المختزل في قلبك لكن في حياتك خلي فيه كنترول المشاعر ليست إلا لمن يستحق مش كل آدم بني آدم.
تحياتي

عوليس said...

بيت الشعر مش ليه ده للاخطل الصغير وهذا للتوضيح

غادة الكاميليا said...

مأمون المغازي
أولا منور
ثانيا شكرا على كلامك لكن أنا رأيي غيرك يعني للتعديل مش كل بني آدم آدم
ولا إيه؟
عوليس
ومنكم نستفيد يا باشا بصراحه لسه مشوفتش حاجه للأخطل لكن علشان خاطر البيت الحلو ده هدرو من بكرة على دواوينه

مأمون المغازي said...

عزيزتي :
آدم : تالرجل
بني آدم : يعني مفترض فيه الفطرة السليمة والخُلق الجميل و الوفاء بالوعد
ما رأيك؟

Eve said...

الأغنية والبوست لايقين على بعض يا غادة، والكلام دافي وفيه "حنان". المهم أن تكتبي اللي إنت حاسّاه ومقتنعة بيه:)

karakib said...

fein el post elly ba3do ??
hastana ktir ana !! kol mara lazem a3od as2al
ya ghada fein el post elly ba3do ??
antouk