Sunday, December 24, 2006

مــلامــح


للحنين الآن معنى آخر جديد ومؤلم ...حنيني إليك وحنيني لأشيائنا نظرتك كلماتك
صوتك توحدك ملامحك عيونك قلبك أنت وحـــدك أنا وأنت ....لم يعرفك أحد كما
عرفتك ولن تعرفك أخرى مثلى أنا ولن تراك أخرى مثلما أراك أنا ......... عندما
غادرت تركت ملامحك وأنفـاسك وشجنك ،عندما يثلـج جســدي البـرد ألـتـجئ إلى
أشيائك كــي أسـتدفئ بك ،أغـمـض عـيونى فـأراك ؛ فأهدأ . الكثير مـن الزكريات
والكلمات و الأحلام القديمه أحلامى أنا وأنت،هل أنا غبيه عندما أسألك للمرة التي
لاأعرف رقمها لماذا غادرت حقاً ؟هل هناك مالا أعرف كما أظن ....،أم هي تلك
الساذجة التى أضاعت كل شئ بحماقه هى فقط السبب ومن تبعوها ، سامحنى هن
لايعرفن ما أنا فيه ولاأنت تعرف ماأنا فيه،تظننى كما كنت من قبل تظننى وجدت
التائهه بداخلى؟؟ أتذكر أماكننا؟ انا ألوذ إلى أماكننا كلما تعبت ولأنى طوال الوقت
متعبه فأنا هناك ..........أكره أن تهوى أخرى أكره أن أتخيلك تجمع بعض التوت
لتنثرهم في عينى طفلتك التى ستكسوها باسمى كي تشبهنى تماما ، أنا أغار عليك
من طفلتك التى لم تأتى بعد،ومن تلك التى لم تعرفها بعد لكنك ستراها في كل وقت
تلك التى ستقترب منك متى رأتك وأردت أغار من الساذجه التى أضاعتنى أغار
من كل من يحاوطوك اعذرنى ياحبيبي أنا كطفل تركته أمه من يدها وغادرت فلا
يعرف إلى أين يذهب ...أتذكر ذاك الطفل ؟؟؟هو أنا ياحبيبي أنا مريضه بك عسى
.أن يشفينى الله أو يتم عليّ وجعي وأرحل روحاً أبدية تهفو حولك طوال الوقت

Thursday, December 14, 2006

ليس وداعاً عادياً

لأننى فقط لم أكن يوماً من الأيام بنتاً عاديه ،لأننى ظللت وحيده عمراً كاملا
ولأننى الآن أعود أدراجي لوحدتي فأنا لست حزينه بوحدتى تلك مطلقاًولن
أحزن لأنني ببساطه قادرة الآن على تتبع شعاع الشمس الواهن الذي يدخل
حجرتي التي هجرتها تماما وبدأت أسكن إلى جوار أمي رغم استغرابهالما
أفعل ، لأنني تخيلت يوماً بأنى سأصبح فراشة تحلق بعيداً عن كل الناس إلا
أنت ، لأن دموعي لم تعد تجدي بشئ ...لأنى أعد نفسي لأن أصبح أسطورة
أعلن أني سامحتك ،ياحبيبي أنا مقطوعه حزينه تريد أن تهجركل شئ لكن
لن أهجرك أبداً رغم كل البعد رغم كل الأشياء الساذجه التي اقتلعتك منّــي
لأني فقط أحبك أكثر بكثير من حبك لي ومن حبك لنفسك ......لأني سأظل
أتذكرك ولأني لن أتقن غير لعبة الوحده وأن أصبح مقطوعه منسيه في قلبك
لن أكره الشتاء هذا العام رغم ما حدث لي منذ سقوط أولى قطرات المطر
على وجهي ودعائي لك ثم رحيلك ،سأحاول اختلاق أشياء أكثر أحب الشتاء
بها سأحبه من أجلك،الآن تذكرت فجأةأنى لم أسألك من قبل هل تحب الشتاء؟
أنا ياحبيبي ـ علّها لاتتعبك كلمة حبيبي ـ تذكر فقط أنى لحن خريفي حزين
يتبعه الشتاء ، وأنت كمقطوعة تأتى من بلاد لايعرفها أحد سواى ،أنت فقط
ستحتل ماتبقى من عمري ،لن أحمل لك شيئاً سوى الحب ...الحب فقط

Tuesday, December 05, 2006

اكتشافات جديده

وآدي هاميس عادت ده لو كان في حد قال عودى أصلاً
أول مرة بصراحه أحس إني محتاجه للناس أوى وعالم البلوجرايه بالذات
وده ممكن نعتبره أول اكتشاف ،اكتشفت بقى حاجه حلوة أوى إن أخويه
الأصغر منى بسنتين بس مبيحكليش عن أي حاجه وكل أسراره مع أختى
الأصغر منه ب 5 سنين والتانيه اللي عندها8 سنين جامد أوي الاكتشاف ده
واكتشفت إن أي كلام بقوله لأمى بتروح تدردش فيه مع بابا هو صحيح مش
أسرار بس برده على الأقل أحس بخصوصيه معاها ، ده رغم إن علاقتى ب
بابا قويه جدا بس أنا كده ربنا خلقنى كده ، بس برده اكتشفت ان الواد أحمد
أخويه آخر العنقود بقى بيقولش ليّ يا أبله غادة إلا لما يكون عايز حاجه مني
ومن فترة كدةاكتشفت إن أختى اللي عندها 8 سنين بتستنى تسمع فيروزمعايا
الساعه 6 كويس لقيت حد في البيت بيحب حاجه بحبهالأوبيعملها معاياكمان
أصعب اكتشاف اكتشفته يا جماعه إن كل حاجه بتبعدفي وقت واحدكل شئ
بحبه وكنت مرتبه عليه أحلامى كلها بيبعد لأ وإيه بعد بلا رجعه نهائياً يعنى
البنت صاحبتي اللي كنا اصحاب من أكتر من 7 سنين بعدت كده مرة واحده
مش عارفه ليه ،هو كمان بعدفجأةومش عارفه ليه برده حتى هوّمش عارف
ليه واكتشفت إني محتاجةأوى لبنت من الخمسميت بنت اللي ف القسم بتاعي
تنزل وتندهلي وتسألنى عن اسمي وأسألها ليه تقولي لأنى من أول مبدأنا
دراسه وأناعارفاكى وحبيتك في الله بس مكنتش عارفه اسمك زي معملت
معايا ساره السنه اللي فاتت ، محتاجه أوى لحد يقولي انتى لسه طيبةكمان
على فكرة ياغاده إنتى قلبك جميل أوى ...واكتشفت إنى بتخانق مع أسماء
صاحبتي كتير بس علشان بقت بتيجي متأخرة على المحاضرة وبتستنى في
الكافتريا تفطر معانا وتروح على البيت اكتشفت إنى أناوغادةاللي جوةمش
اصحاب وكل واحده فينا دلوقتي بتخنق على التانيه وبتقتل فيها
إكتشفت بقى إنى مهمشه جداً حتى في حياتي الشخصيه ومهمله تخيلوا؟
اكتشفت إني مليش لازمه
بس على فكرة برده اكتشفت إن ممكن يكون لسه في أمل بس هو فين مش
عارفه محدش شاف أمل معدى قدامه كده ياجماعه؟؟