Sunday, June 10, 2007

إخلاص


لأنه من كتر حبه ليها فمكنش عايز يسيب البيت بعد ما ماتت، ده برضوا لأنها
كانت بتحب البيت قوى ، كل الذكريات اللى مابينهم محفورة في الأماكن وسايبه
ريحتها في الأشياء ، حتى الحيطان كانوا دايما بيغسلوها سوا فلو اتمسحت من
عليه ذكرى بتفضل لمسة إيديها وإيديه وبتكتب ذكرى جديدة ،ولأنه من كترحبه
ليها قرر بس يغير أوضة النوم بعد م جاب واحده غسلت كل حيطان البيت وياه

25 comments:

عنتر بن غلبان said...

من كتر حبه ليها ماسبش البيت
غسل الحيطان
بس يا ترى غسل قلبه؟

بوركت

واحد said...

نوستالجيا عاطفية لمن -قد- لا يستحق

عين ضيقة said...

هو ده الحب الحقيقى

على رأى واحد صاحبنا


سلام ياقمر

همس الليل said...

حال الدنيا نسيان ما قد يدمى القلب
.
.
.
وحشتينى بعدما عاد القليل الى من روحى الهاربه دائما
.
.
.
ارفع لك قبعتى على رومانسيتك واشعر بكبرياء خفى خلف ملامح سطورك

حقى اهرتل said...

وايه باقيله غير حيطان الطبطبه
بعد الفراق الممتنع عن نور عنيه
يايسيب حيطانه بالدموع مترطبه
يا يشوفله قلب يخاف علييه

Yassmina said...

يمكن لآنو احتاج حاجه تنسيهالو بس مافتكرش
او يمكن لآنو هوا فعلا نساها

الوردة السوداء said...

هههههههههههههههه
ده اقل واجب يعمله

هيطع نفسه يعنى

إنسان || Human said...

فعلا هو غسل الحيطان ...طب ياترى هايغسل قلبه

مصطفى حسان said...

هو مش غسل الحيطان ... ده هو جاب واحده تغسل له الحيطان

صح كده برضه يا جميل ؟؟

Amr Ibrahim said...

ولأنه من كترحبه ليها قرر بس يغير أوضة النوم بعد م جاب واحده غسلت كل حيطان البيت وياه

البوست جميل جدا و حالم بس الجملة الاخيره دي غريه حبه , اشمعني غير اوذه النوم و مين الواحده دي ؟؟؟؟

Carol said...

في الاخر
جاب واحده غسلت كل حيطان البيت وياه
ليضع فوق الذكريات القديمة ذكريات جديدة!!!؟

Ezz said...

سؤال موضوعي يا أختشي:

لو كان هو اللي مات كان ايه اللي حصل؟

أكيد كانت غسلت الحيطان ولكن.. في شقة تانية سعادتك....

ما يبدو لك الأن عدم إخلاص هيكون هو عين العقل بعد شوية.. ليس كل ما يلمع ذهبا و الحجر الكريم يستخرج من تحت التراي والطين ... عز

sabsoob said...

عمر ما الذكريات بتتنسي..
و بعدين ما هي ماتت...يعمل إيه يعني..هيعيش..
و لو هو إنسان خارق..يعيش لوحدة...و معتقدش إن في حدهيعيش لوحدة
تحياتي...

غادة الكاميليا said...

عنتر الغلبان
أنا كمان عايزة أسأله

أحمد ندا
انت قلتها _ق_ وقدتفيدالترجيح يعنى قد يستحق وقدلايستحق المهم انه هناك عاطفه

عين ضيقه
على أساس اننا خبراء في الحب الحقيقي
ياعزيزتى قديكون فعلا حقيقي

همس الليل
أوجدتى مفردات جديدة للنص وللشعور بالقرب ممن لا نعرفهم إلا عن بعد تحياتى ودمتى قريبه

حقك تهرتل
ليه لأ مش يمكن فعلا يطلع بيخاف عليه أتمنى

ياسمينا
ياغاليه كلا الاحتمالين قديكون تحياتى وأتمنى ألا ينساها وإن عشق أخرى

وردة سودة
مش كده برضوا

human
نفس تعليق عنتر الغلبان ونفس الرد
نفسي أعرف أسأله

درويش
صح كده إنت مركز

أنت وأفكارك
ميرسي لأنها عجبتك
بس هى مين وغير الأوضه ليه هو أدرى بيها
كارول
وليه لأ مش جايز برضوا كل واحد ليه رؤيته وهو كمان ليه رؤيته

عز
اسأل براحتك البيت بيتك واحنا هنا علشان راحتك ..........عارف؟
طبعا من غير ما أعلق أنت عارف
تحياتى يارفيق

سبسوووب
مش كده برضوا أنا قلت كده من الأول محدش صدقنى
تحياتى ونورت المدونه

syzef said...

طيب ..هو انا جه بعد ما قفلتو...؟

المهم ان انا جه ..بس بقي ايه..مممممممممممممم

مفيش بعد اوف لاين

مفيش فايدة said...

عندما تتحول ذكرى الحب الى كلمات على الحائط اظنة يستحق ان يمحى


تحياتى غادتى الجميلة على هذة المشاعر الرقيقة

vetrinary said...

ولأنه من كترحبه
ليها قرر بس يغير أوضة النوم بعد م جاب واحده غسلت كل حيطان البيت وياه

انا بتفق مع عز

النسيان سيد الاخلاق
وما يلمع قد يكون ذهبا

بياترتس said...

دى بتاعة ربنا

وائل فتحي said...

ايه النضافة دى
وبعدين غلطانة هى اساسا كانت عملت حساب للزمن حد يموت من غير ما يغسل

كائن العزلة الكئيب said...

جميل جدا يا غادة و طريقة كتابة جديدة واقفة على الحدود بين القصة و القصيدة
جميل جدا

Diyaa' said...

زي ما قال أحمد ندا...نوستاليجا ..بس مش مهم الباقي
المهم إنك كتبتي وعبرتي عن حاجة جميلة أوي ناقصة...الوفاء :(
تحياتي يا غادة الجميلة

خيرالدين said...

هو بغض النظر على ان الوضوع مختصر قوى قوى بس الفكره مختلفه

غادة الكاميليا said...

سيزيف
ياسيدى البيت بيتكاللى عجبك خده معاك منور

مفيش فايدة
لكن إن أصبحت زكريات محفورة ليست مجرد رتوش اعتقد انها لها قدسية في القلب
تحياتى ونورت البلوج

فيترناري
ياسيّدى إذا كان الدهر بينسانا مش هننسى بعضنا يلا بقى كله عادى

بياترتس
عسى أن يهبه الله إياها في الحلم إن كان يريد لها الله وله الله

وائل فتحى
هى دى المشكله ، بس محدش صدقنى
منور

كائن العزله
يسعدنى إنها عجبتك
منور ياسيّدي

ضياااا
بالظبط الوفاء بمنظور مختلف شويه المهم انه لسه في إخلاص

إحنا
ميرسي انها عجبتك
نورت البلوج

لو كنت أعلم said...

ومن كتر حبها ليه

ماتت قبليه

رااائع

تحياتي

Mony The Angel said...

Mmmmm
بعد م جاب واحده غسلت كل حيطان البيت وياه

waiaaah??
ya3ny gaab wa7da tania??