Thursday, May 24, 2007

من الأفضل أن تظل أوف لاين

كانت دايما أوف لاين بتحاول تتحاشى وجودها فكانت مبتكلمش غير اللى يهــــمـوها
بدأت تبقى أون لاين عند الناس اللي يهموها وشويه من الناس العاديين ،بس أوقـــات
مكنتش بترد على أي حد وتعمل نفسها أوف لاين أو تقول النت فصل ، المهم انـــــها
مكانتش بتحب تخنق حد وهى مخنوقـه ، كانت بتستنى أي أوف لاين مـــن أى حــــد
علشان بس تحس إنهم فاكرينها كانت بتظقطـط من الفرحه ، بس كمان مكانتـش بترد
في أوقــــات كتير عليــهم ، ولما بترد أو تبعت أوف لاين كانت بتختصر مشاعــرها
كلـــها في كــلمه وحشتونى ، بس متعرفــش إذا كان إحساس الكلمه بيوصلهــم ولا لأ
بدأت تحاول تتكلم تانى مع أى ناس ومع أى حد لدرجة إنها بدأت تحس إنهم اتخنقــوا
فرجعت تانى أوف لاين ، لما كانت بتدخل وتلاقـي شويه صغـيرين أون لاين تستنى
لما تلاقيهم كلهم أون لاين فتعملهم مفاجأة وتعمل نفسها أون لاين وف لحظة بيعملـوا
هما نفسهم أوف لاين مبتلحقش تكلم حد فيهم ، بتفكر وتقول يمكن النت فصل عندهم

15 comments:

زحل الفلكي said...

عندما يظل الانسان اوفلاين
فإنه يظل اونلاين في قلب من يحبه
لكن مع استمرار الاختفاج
الطبيعة البشرية بتتحكم وتبدأ تشيل الانسان ده من حساباتنا

يبقا المفروض الانسان يكون اونلاين على طول
حتى لو متضايق علشان اللي مش حيستحمله وهو متضايق
يبقا مستحقش يكون معاه وهو مبسوط

zaen said...

من يزرع الحب لا يجني الا الحب (علي فكره انتي جميله قوي وطيبه قوي)ياريت تبقي غاده مش هتقدر تغمض عنيك..يعني مفيش اوف لاين لو بتحبي اللي بيحبوكي

إبـراهيم ... معـايــا said...

إزيك يا غادة ، من زماااااااان ما دخلتش عنـدك ،،، موضوع حلو ، كنت من فتـرة طويلة شوية كتبت عندي عن أن تكون الحيـــاة ... أوف لاين ...... فكرتيني بيه !

.
.
موضوعـك حلووو قوووي ... و الأحاسيس فيه جمييلة ....

تحيااااااتي

شغف said...

حلو قوي الكلام اللي زحل ده بيقوله
و الله بتفهم يا بني

و أقولك يا غادة
أنه من الأفضل أن تكوني أون لاين
من الأفضل أن تشعري أنك متحكمة في حياتك
و أنك موجودة
و أنك تستطيعين التحدث مع من تريدين باختيارك و دون استخباء منك مع ذلك
و انك لستِ في حاجة لانتظار أن يبدأ أحدهم في التحدث معكِ
لأن المتحكمين بحيواتهم لا ينتظرون
فقط --- يبدأون سعيا باتجاه ما يريدون
:)

شغف said...

بالمناسبة
ايه حكاية البلوج الجديد المشترك ده ؟

مادو said...

هل يكفي التخفي لإثبات الغياب ؟

الوردة السوداء said...

يظهر ان ..........عمل عمايله

اللى عايز يكون اوف لاين
مبيتسناش لما النت يفصل

واللى عايز برده يبقى اون لاين فى حياتك
مش هيستنى النت لما يجى

عين ضيقة said...

غيرتى اسم البلوج ؟
والحالة مصرة ما تخرجيش منها
والدنيا سودة ليه؟؟؟؟؟؟؟؟؟؟؟؟؟

على فكرة
الحب بيولد حب

بس كمان الحزن بيقتل الناس بالبطىء

على فكرة كمان
انت دايما فى قلوبنا
دا بجد
وسؤال بجد
انت مش حاسه بكده؟؟؟؟؟؟؟؟؟؟؟؟؟

عنتر بن غلبان said...

سؤال؟
هل الاختفاء هو الحل؟
انا شخصيا على طول اوف لاين بس علشان اهرب من حد رزل قارفنمي في حياتي غيرت الميل وبرضه ورايا المهم اني مش بختفي من نفسي, صح ولا ايه


بوركت

film69 said...

اختيار
أحيانا يتغير أو يتزحزح أو حتى ينقلب رأسا على عقب
لكنه يظل في النهاية اختيار

ادم المصري said...

مش عارف ليه حاسس
بيها قوي
.
.
حاسس قد ايه هي دلوقتي متحيرة بتتعذب
يمكن هي دلوقتي
حاطة الجميع
في اختبار
.
.
يمكن عايزة تعرف مين
بيحبها فعلا
ومين بيجاملها وخلاص
.
.
احيانا بيحس الانسان
انه محاط بمشاعر من نفاق
.
.
بتجيله لحظة بيكون محتاج انه
يختبر كل المشاعر المحيطة بيه
حتي لو كانت مشاعر اقرب الناس اليه
.
.
زي امه مثلا
لكن بيحصل
واظن انها بتمر بالمرحلة دي
تحياتي ليكي
والسلام

yasmina said...

اول مره اجي هنا
بس انشاء الله مش اخر مره
حبيت رومانسيتك ورقتك فالمدونه بتاعتك ويمكن دي اكتر الحجات الي بتشدني فالمدونات
عارفا احنا دايما كده فالاول بنخاف نقرب قوي من الناس
ودايما الي حولينا ناس يتعدو
لكن واحده واحده بنلاقينا بنقرب والدايره بتوسع
والثقه الي جوانا بدأت تكبر
لكن بمرور الايام بنلاقي ان الناس دي هيا الي بعدت عنا
والسبب ايه غير واضح
يمكن نكون قربنا زياده عن اللزوم
متعرفيش؟؟؟

تحياتي ليكي ولمدونتك الرقيقه

Hamed Ibrahim said...

طيب لو طبقا مبدأ الأوف لاين ده على حياتنا نفسها
على ناس كتير بنقابلهم ناس بيأثروا فينا وناس لا ...إلخ
!!
ممكن نقول وما الحياةإلا ماسنجر كبير
:D

كرانيش said...

يا ستى اوف لاين اوف لاين بس نعيش

كرانيش said...

نسيت اقولك مبروك عالنيولوك التحفه