عنقود كلام .. زي الجرس
فوق الطريق
دندن بصوته البرتقالي للقمر
صهلل بروح مليون فرس سواح بيلضم في الغنا
طاير في قلب الريح بيقطف م الندى
ويحش قلب الخوف ويرمي ع الجبين
فوق الطريق
دندن بصوته البرتقالي للقمر
صهلل بروح مليون فرس سواح بيلضم في الغنا
طاير في قلب الريح بيقطف م الندى
ويحش قلب الخوف ويرمي ع الجبين
ضلي أنا
ضلي اللي فارش مصطبه ..وعيال بتنده للنسيم
صوتك جرس
واحد بيدن جوه مدنه من نحاس
صحيوا الطيور
صوتك جرس
واحد بيدن جوه مدنه من نحاس
صحيوا الطيور
صوت الكناريا خلى غيط الشوك سنابل
شمس تكبر ع الغيطان
الكلمه فارس فوق جبينك مبتسم
والريح عيونك .. والجرس
الكلمه فارس فوق جبينك مبتسم
والريح عيونك .. والجرس
همّا العيال .. صحوا القمر ؟
مجدى نجيب صهد الشتا
4 comments:
انا كمان بحب الجزء ده أوي
وبحب كمان جزء القمر
ما حلا الكلام لو كنا نقدر يوم نقول
إن القمر نايم في عشه من العيون
إن العيون دي كلها بتقول
بعدك يهون
بس الاكاده الصبر ضله في الجفون
ما بيتمسحش
أخيرا حد علق على البوست ده كويس جدا ياساسو أنا كمان بيعجبنى جدا وبيعجبنى أعمال مجدى نجيب بحس انها روح متغلغله جوايا بجد
ممكن استئذنك فى الديوان ده ؟
هههههههههههه تحت امر سيادتك يا افندم ده متاح للجميع اصلا اصله ديوان اليكترونى
Post a Comment