Monday, October 09, 2006

حـــنــــيــــن

الوحده والحنين كلمتان تلازمانى منذ فترة، أصبحت في حاجه إليك في
كل لحظه لايسعنى من الذاكرة سوى تلك الأحلام التى تعاودني كل ليله
كنت قديماً أعشق الأحلام وأستلذ بها أما الأن فأنا أكرهها كأنها طائر قبيح
يأتى فقط كي ينعق بقلبي فأخشاه لكنه لايمضي إلا وأنا أبكي فيضحك منى
أتذكرعندما أخبرتك أنى بكيت لما جئتنى بالحلم ؟ كنت خائفه عليك حتى
منى أول مرة أبكي بكاء جدٍ وأنا نائمه شئ غريب عليّ أن أبكي وتدمع
عيناى وأنا نائمه أحسست بسخونة دموعي لكنى لم أستيقظ ،هدهدت علي
بصوتك فهدأ قلبي أصبحت أبتعد عن النوم و أتلذذ بالوحدة والسكينه ، تمنيت
الموت كثيرافلم يكن يجيبني سوى غفوة عيني وحلم مزعجلكنى الآن أحتاجك
كلماتك صوتك ،نظرتك التى لي وحدى ،هنالك عزف وحيد لأجلك ، أنا منك
ودموعي التى لاترغب أن ترسلها لك عيناى هي أيضا منك
أسمع ..هو عزف يبكي لأجلك ...وأنا أبكي الآن أيضاً لأجلك وأنت تسمعنى
لم تعد العصافير تمكث أمام نافذتى فلم أعد أعرف كيف أرسل لك ضحكاتى
وكلماتى ، فقط بكائي يصلك لأنك تحس بي أكثر عند بكائي واحتياجي لك
أتخشى ألا أنتظرك ؟؟لا تخشى فأنا لأجلك وحدك هولايعرفك لكنه أخبرني
أنى ذكرتك وأنا نائمه وأنه يعرف ملامحك لكنى صمت فأنا فقط أعرفك،أما
هي فأكدت لي أنها لن تخمن شئ فقط ستتركنى كي أنتظر حلمى وستقنعه
بذلك وأنت حلمى أتعرف أنى مازلت أرسم ملامح طفلتى الصغيرة؟ ستكون
أشبه بك منى لكنها فقط ستأخذ شجني واسماً أحبه كحبي لصوت فيروز
الحنين الجميل لكل ملامحك يبعث بي روحاً مقدسه تداعبنى وترسل لي
أرضاً ألقي بها حصىً صغيرفينبت بيتاً من الجنة له رائحة الفل ونقوشاً
أسطوريه أعشقها ، أنا فقط سأنتظرك لكنها الأحلام تزعجنى فابعدها عنى

33 comments:

foxamr said...

الحنين و الوحدة اصعب احساسين في الدنيا
انا عاي فيهم بقالي كتير
و احتياج مالا كنت تريده هو الاصعب
لانه قد ذهب
كلماتك حلوة و شعورك ناعم

Diyaa' said...

اه من الوحدة و مليون اه من الحنين
ربنا يعينك و يبعد عنك اللي بيزعجك

sydalany-وش مكرمش said...

كان صوتك عالي أوي
تفتكري الودع إستحمل كل الصوت ده و عملها جميلة معاكي و قال وشوشة
و لا سد ودانه و ما ردش عليكي ولا بين زين

أظن الإحتمال التاني

sydalany-وش مكرمش said...

ملحوظة:المدونة لذيذة ...مش ناقصها غير الطلوع من السواد

ملحوظة 2: لم أشعر بالحنين إلا حين عدت و حين ظلمت خارج بيتي ....و حين قرأت تدوينتك

الســـاحر said...

الله على الاحساس العالى
لم تعد العصافير تمكث أمام نافذتى فلم أعد أعرف كيف أرسل لك ضحكاتى
جميله فعلا
واللاجمل جو الرومانسيه
اللى فى موضوعك
الى الامام وربنا يوفقك
وياريت تشرفينى بالزياره

عنتر بن غلبان said...

ايييه
انا حاسس كدة بحالة من الصدق عجيبة شوية
مش عارف انا ليه مصدقك قوي المرة دي؟
يمكن ؟
ياريت

بوركت

cat_eyes said...

انا مش هعلق على الكلام لانو مش كلام دا رسم على جدار الزمن ووجع روح غرقت فى الحنين
مش هعلق بالكلام
بس كل ما اشوف البحر وموجو هفتكر ان بئا ليا شريك فى حبو
دا اول كومنت تقريبا بكتبو ليكى بس بجد مش هيكون اخر واحد
بحبك انا كمان واشتقت اشوف الروح دى

cat_eyes said...

بكيتى عينى اللى من زمان مدمعتش مش عشان الحزن هجرنى لان الحزن بئا ساكن بيا وقلبى هو اللى بيبكى
كلامك فية عمق الحب ووجع الوحدة والم الانتظار وخشية الفراق
. البحر والشوق والالم فقط وحدهم من تتركة لنا ذكريات السنين

توهة said...

مريت باللحظه دى زمان فسمعت اغنية بكتب اسمك ياحبيبى عالحور العتيق
بتكتب اسمى ياحبيبى عارمل الطريق
وبكره بتشتى الدنا عالرصاف المجرحه
بيبيقى اسمك ياحبيبى
واسمى بيتمحى
واسمى بيتمحى
بجد مش ممكن انسى الاحساس ده بس اكيد هأقدر اعيش من غيره
كملى ياغاده اسلوبك مريح
لكن كل مابتابع اعمالك اكتر بحس ان خطواتى بيعاد رسمها
اتمنى ان النهايه تختلف
لكن لازم تؤمنى بأن السعاده تأتى دوم الحياه فلا تخشى النهايه ولا تتبعى صدق احلامك
اتبعبى دوما درب السعاده
وعشتى دايما تسمعى كلامى ومتبطليش كتابه
بس براحه عليه كده مش هعرف انسى

كروان

أُكتب بالرصاص said...

من كان مع الله
لايشعر بالوحدة

في هذه الايام المباركات

افضل ما يكون الاستمتاع بمعية الله




كلماتك رقيقة

وحزينة
في أن
:)

Ezz said...

هو حنين ولا إحساس بالظلم؟ أصل كلمات موسيقى عمر خيرت لخلفية هذه المدونة بتقول:

ولابد من يوم معلوم تترد فيه المظالم .. أبيض على كل مظلوم إسود على كل ظالم!!!

أنا بالنسبة لي فكرة الحنين مرتبطة عندي بالظلم يعني إحساسي بالحنين لإنسان معين مش قادر أوصلله أو موقف معين نفسي أعيشه تاني بيخليني بجد أحس اني مظلوم يمكن مظلوم من الظروف من الحياة من تغير الأشياء و البشر .... خدي بالك من نفسك.. و بجد و حشيتيني و وحشني قلمك الحُنين ده. عز

nirfana said...

هل أخبرك ِ سر
لن يأتي ولن يتوقف البكاء
حتى الطفلة التي تشبهه لن تأتي

الشيء الوحيد الذي سيظل حقيقي للأبد
الحنين والدموع واللهفة

الُحلم مصدر للحياة
فقط يمنحك مزيد من الإحتياج
ويجعلك تتمنين المزيد من الغفران


يومًا ما ربما يتحقق
وقتها ستتلحفان سويا رداء من فناء


هل أخبرك سر
أنت ِ رائعة وبرغم ذلك لن يأتي
فإنتظريه على محض التوهم
فإنتظريه على محض الأمل

فقط
لكي
تستمر
الحياة





تحياتي
ودمعة من عيني

littilemo said...

خلص الكلام
ما اقدرش اعلق

كليوباترا said...

وحشتينى
جميل اللى انتى كتباه وصدقته زى ماقال عنتر عارفه ليه؟ عشان حسيت بالرغبه فى البكا ومش كتير اللى بيخلينا نبكى ومش كتيره الحاجات اللى بتتصدق
بحبك

shababik said...

كاميليااااااااااااا
يخروبيتك
البوست دة
تحفة

غادة الكاميليا said...

أولا بعتذر يا جماعه عن الانقطاع ده لأنه كان رغم عنى وبجد كلكم حشتونى جدا
فوكس عمرو
احتياج مالا كنت تريده هو الأصعب
عندك مليون حق بس برده احتياج ما تريده ومش موجود أصعب وأصعب
ضياء
ربنا يخليك ويعينا كلنا
وش مكرمش
والل العظيم توهتنى يعنى التعليق الأول كأنك بتقولي ايه البتناع اللي انتى كتباه ده وتعليقك التانى حسسنى إن ليه أهميه هوانت اتنين ولاإيه يا كابتن حدد وبرده ميرسي على الزياره ويجعل ربنا تدويناتى على طول تحسسك بالحنين
الساحر
ميرسي على الزيارة دى وميرسي جدا على كلامك
عنتر بن غلبان
يالهوي واللي قبل كده مكنتش مصدقه ده أنا كده هعيط ولا أقولكأنا هقوم أدعي ربنا يخليك تصدقنى كده على طول
cat_eyes
بجد التعليقين بتوعك حسسونى بالحنين أوى للبحر متعرفيش أنا بحب البحر قد ايه بس بجد أمانه تقفي قدامه وتسلميلي عليه وتقوليله إنه وحشنى أوي
كروان
يابنتى من يحب فيروز فله حياة الروح في دنيا البشر بس بجدمش عارفه إيه النهايه ادعيلي انها تكون خير مش زي مديماً بحس وبخاف منها من غير حتى متحصل ربنا يسطر وربنا يخليكي مشجعه يا أختشي
أكتب بالرصاص
ادعيلي ربنا يكون بيحبنى وأقرب منه أوى علشان أنا دايماً محتجاله
عز
فينك يا أخي أقولك هو حنين بس حنين قوى جدا معرفش أنا كنت ساعتها عامله ازاي بس اسكت أصلى زعلانه موت شكل قلمى الحنين بيشطب وهعتزل قريب
نيرفانا
هل أخبرك أناِ سر
هو أتي ولكني لن أتوقف عن البكاء
حتى الطفلة التي تشبهه أتمنى أن تأتي

والشيء الوحيد الذي سيظل حقيقي للأبد
الحنين والدموع واللهفة
معك ألف حق
الُحلم مصدر للحياة
فقط يمنحك مزيد من الإحتياج
ويجعلك تتمنين المزيد من الغفران
ويجعلنى أتمنى مزيد من الحلم فقط لأجله ولأجل طفلتى
وأنتى كمان رائعه
ليتل مويا
السكات سعات كتير بيغنى عن أي كلام وصلنى تعليقك وميرسي جدا
كليوبترا
أهلا وسهلا هل هلالك بس أنا معملتش حسابي على مناديل كده الدنيا هتغرق
شبابييييييييك
فينك يا وْلدبجد تحفه؟؟؟؟؟
أخجلت تواضعي بجد كده ليكربع جنيه على الكلمه الجامده دي

توهة said...

ممممممممممم
لا يسعنى الا انى اقول لك ربنا معاكى

الانتظار صعب والتفكير اصعب
ونحن بين الاثنين كره ترامى ولا تصل للهدف ابدااا


فانتازيااااااااااااا
فانتازياااااااااااااااا

nirfana said...

هنالك سر يكمن فى عينيك
هنالك سر فى عينيك
هنالك سر





أتمنى ألا يكون كـ سري

نيرفانا

يا مصر اكتب إليكي رسائلي said...

يشرفني ان اتقدم بخالص التهاني وأطيب التمنيات القلبية بمناسبة عيد الفطر المبارك اعادة الله علينا وعليكم وعلى مصرنا الحبيبة بكل خير .. مع خالص تحياتي وكل عام وانتم والأسرة الكريمة في أسعد حال

يا مصر اكتب إليكي رسائلي said...

يشرفني ان اتقدم بخالص التهاني وأطيب التمنيات القلبية بمناسبة عيد الفطر المبارك اعادة الله علينا وعليكم وعلى مصرنا الحبيبة بكل خير .. مع خالص تحياتي وكل عام وانتم والأسرة الكريمة في أسعد حال

واحد من الناس said...

كل سنه وانتى طيبه وعايز اقولك انك معزومه بكره عندى على عيد ميلادى وياريت تشرفينا
شكرا ليكى

شكسبير said...

سيدى يا سيدى على الحب
وعلى نار الحب
بصى
انتى بكلامك ده
خلتينى عايز انام واحلم
!!!!!

Sampateek said...

اللهم ان لي احبة قد قصرت بحقهم و انشغلت عن وصلهم فعطر ايامهم بالايمان و تقبل منهم و منا صالح الاعمال ..امين يا رب العالمين و كل عيد و انتم من السعداء المغفور لهم
تحياتي

مصريون بلا حدود said...

الحنين
يعني الحنان
كم احتاجه
جميل الاحساس ان حد يحس ناحيتك بالحنين
اما حلمك الذي تبحثين عنه
هو ايضا يبحث عنك
في مكان ما
المشكلة
اننا تائهون
واحلامنا تائهة
ضائعون
واحلامنا


ضائعة

الســـاحر said...

حلواوى الموضوع ده بجد
كنت قديماً أعشق الأحلام وأستلذ بها أما الأن فأنا أكرهها كأنها طائر قبيح
دى عجبانى اوى
وكل سنه وانتى طيبه
ومنتظر زيارتك ليه تقوليلى رايك فى الموضوع الجديد
وربنا يوفقك

بعدك على بالى said...

اسطورية انت فى مفرداتك واحساسك ومشاعرك.. انت رائعة رائعة

محبتى لك

cat_eyes said...

كل سنة وانتى طيبة يا اجمل وارق بنوتة
البحر اشتقلك يا قمر
عيد سعيد عليكى وعلينا كلنا يارب

غادة الكاميليا said...

فانتازياااااااا
كرة تترامى ولا تصل للهدف أبداً؟؟؟
الله على التفاؤل الله يطمنك
نيرفانا حبيبتي
طيب هو في سر أه بس ليه بتتمنيش إنه يكون زي سرك؟؟؟
يامصر أكتب رسائلي
وانت طيب
واحد من الناس
كل سنه وانت طيب
الأب الروحي
طيب تصبح على خير بقى
كلبوزة روحي
آآآآآآآآآآآمين
مصري بلا حدود
أحلامنا تائهه ومش قادرين نوصل لها فعلا بس اكيد في حلول
بعدك على بالي
وحشتيييييييييني
cat_eys
وأنتى واسكندريه والبحر أجمل ناس في الدنيا

توهة said...

أصلى بيضرب بى المثل فى التفاؤل
بس فقلت ارش عليكى حبه


عيد سعيد عليكى ان شاء الله



وللأسف ماليش ايميل على الهوت


فانتازياااااااااااا
فانتازيااااااااااااااااا

sha3'af said...

الله يخربيت كده

وجعتيلي قلبي

ايه يا بنتي الدوبان ده كله؟

خافي علينا شوية ع الاقل ، الواحد مش ناقص

syzef said...

عيدسعيد

ادم المصري said...

لست الوحيده

في طلب الوحدة


اذن لست وحيده .. حتي في وحدتك

sendrlla said...

مش عارفه اقولك ايه اسلوبك جميل كانك بترسمى لوحه فنيه حاسه انك بتكتبى بصدق شديد مش عارفه ليه غير كده حاسه انك خارجه من تجربه صعبه او قد تكون تهيوأت الله اعلم بس فعلا اصعب احاسيس فى الدنيا الحنين والوحده يمكن حاسه بيكى قوى علشان بعانى من نفس الموضوع الوحده بالذات شئ ملل وعجيب مرض بيصيب الانسان مش بيقدر يخرج او يتعالج منه حتى لو صاحب الدنيا بحالها تحياتى لمدونتك رائعه حقا