Saturday, September 23, 2006

طريق قديم



عند الطريق القديمه بعض الذكريات وامتداد للحلم الذي كان ؛ لم يعد
حلمك يا عزيزتي لكِ أن تتبعي حلماً آخر ؛ أقل وأسهل من ذاك الحلم
النابت بداخلك منذ أصبحتي تعي ماحولك،لم يعد لكِ الحق في أن تمتلكي
القمر كما كنت من قبل،الطريق القديمه تذكربعض من خطواتك الثابته
وخطواتك المتعرجه ، تذكر بكاءك وحدك والآن لم يعد لك الحق في أن
تبكي حتى وحدك ، بعض الدموع داخلك لا تكفي ـ لكن عليكي أن
تكتفي بها ـ فنجان من القهوة يكفي كي تدركي ما تكتبين وتتوقفي الآن
دائماً ما كنت أنتظر الشتاء وحدي ، أستمتع بإحساس البرد لم أحب المكوث
داخل البيت عند نزول المطر،دائماً ما كنت ألعب وألهو وحدي عند الطريق
القديم ، اعتدت على الوحده ، ليتكِ تتوقفي عما تكتبين
هو من خرج في منتصف طريقي القديم وأخذني ، كنت راضيه بما
حدث ، فكيف له أن يتركني الآن ؟!! أنا لن أرتاح وحدي ، وهو بالطبع
سيفهمني وسيفهم ما بداخلي
اعذرني لم يعد لدي سوى تلك النافذه كي
أبدأ منها حلماً جديداً _حلماً أقل وأسهل ـ

26 comments:

غادة الكاميليا said...

عايزة في البدايه بس أقول للأخ أنونيوس اللي علق على بوست ميلاد وقال عنى انى خنيقه ومتصنعه وكلامي كله كدب انا مش مجبرة اصلح فكرتك عنى لأنك ببساطه متعرفنيش بس انا مبكدبش في مشاعري ابدا ولا احاسيسي
على العموم ده رايك وشكرا
..................
كل سنه وانتم طيبين يا جماعه

مأمون المغازي said...

عزيزتي / غادة الكاميليا

إبداعاتك تشعرني بأن العالم مازال فيه من له القدرة على أن يبوح بصدق وإبداعك له مذاقه الخاص

الآن أنا هنا بعد القراءة

لأقول لكِ

كل عام وأنتِ بألف خير

تحياتي

nirfana said...

لا بأس ولو بالقليل من الحلم

Diyaa' said...

عندي كام حاجة عايز أقولها ملهاش علاقة بالبوست ..الوردة اللي دبلت بكير دي نبات و ربنا مخلقناش نباتات و يا رب مكونش مضطر أرغي عشان تفهمي قصدي لأني رغاي مووت أصلا
بالنسبة للصورة بتاعة البروفايل ..معتقدش ان الصور بتسبب أي تضارب لأن عنوان البلوج هو الأساس و الأذواق زي ما بتختلف بتتشابه
دي أول زيارة ليا لمدونتك و بإذن الله متكونش الأخيرة ..
مفيش أحلام سهلة و لذة الحلم في صعوبته ولو مكملش ..انا من غير الأحلام هبقي ميت ..
كل سنة و أنتي طيبة و بجد مدوناتك حلوة و يسعدني انك تستمري و متنقطعيش لأي سبب _ ايه الرخامة دي !! و أنا مالي صحيح ؟! _
أستودعكم الله

أشرف حمدي said...

قبل أنا اعلق علي اي شيء
حد يقول لي الأغنية اللي بسمعها في البلوج دي بتاعة مين واسمها ايه عشان انا اتهوست بيها
انا فاتح البلوج 24 ساعة .. ارحموني باسم الأغنية عشان احملها
مع خالص حبي واحترامي

Ezz said...

نبتدى تاني..على فكرة هيه دي فكرة الحياة أصلا..نبتدي من تاني.. ونقول تاني. و كل سنة و انتي دايما غادة ودايما جميلة....ودايما طيبة. عز

إلا دي جوليا بطرس اللي بتغني؟

Ezz said...

نسيت أقولك ان ردك على الأخ المجهول محترم زيادة عن اللزوم ولولاش الدنيا رمضان كنت رديت رد أقسى.. بس عموما سيبك أنتي .. إنتي غادتنا و إحساسنا البرىء الجميل. و الواد إبني بيسلم عليكي و بيقولك كل ثنة و انتي طيبة

غادة الكاميليا said...

غادة الكاميليا
دي أنا صحيح الصيام بيعمل أكتر من كده
مأمون المغازي
وانت طيب دايما مبعرفش أرد على زوقك ده ميرسي بجد
نيرفانا
يا ريت الناس تعرف كده وتتفهم ده ولو القليل من الحلم
ضياء
لذة الحلم في صعوبته .. أنا كمان بأيدك جدا وانا كمان من غير أحلام ممكن أموت شرفتنى وانت مش رغاي ولا حاجه
أشرف حمدي
نورتني جدا والغنوة لجوليا بطرس واسمها دبلت بكير
عز
دي جوليا بطرس صح تكسب ربع جنيه جديد علشان العيد قرب وكده
ابنك ده زي العثل (العسل)وهو طيب

ادم المصري said...

جميل
اسلوب مختلف
لغة رومانسية حالمة
البلوج اسود
والكلام غامق
صعب القراية
حصلي ربكة بعض الشيء

بس في الاخر اقولك جميل
والسلام

توهة said...

بخ انا جيت
كل سنه وانت طيبه يا قموره

بس ليه حتروحى لحلم اسهل اومال فين روح التحدى
وسيبك من الشط بتاعى ده كله قلق وتردد وحيره وحزن وألم
وانا مرضلكيش كده ابدااااااااا


فانتازياااااااااااااااااااااااا
فانتازياااااااااااااااااااااااا

Carmen said...

عزيزتى غادة

لن يستطيع احد ان يسرق منكى حلمك لو انك اصريتى عليه

فالحلم ملكك وجدك ولا يستطيع ان يشاركك فيه احد


ولا تحاولى انت تتنازلى عن حلمك لتبحثى عن حلم اقل واسهل

وبجد دى اول زيارة ليا لمدونتك بس اكيد مش هاتكون اخر مرة لان بجد مدونتك رائعة

عنتر بن غلبان said...

عزيزتي غادة
حلوة عزيزتى دي مش كدة
الوردة عمرها ما تدبل قبل الاوان
لكن التحدي هو اللي ممكن يطول عمرها ومحدش بيموت ناقص عمر زي ما ستي بتقول
وعلى رأي اللى قال
"توسدي الحلم وانفلتي لمكمنه"
للحلم وقت, وبلاش نضيعه ربنا يهديكي يا غادة وجميل قوي الاقبال على البلوج بتاعك ده ولو انا زعلان منك لانك مقصرة معايا في الزيارة شوية

على العموم كل سنة وانتي بألف خير

بوركت

غادة الكاميليا said...

ادم المصري
ميرسي على زوقك ربنا يخليك
فانتازيااااااااا
وانتى طيبه يا بنت
مهو انتى لو دققتي شويه هتلاقينا هناك على نفس الشط
كارمن
اسمك حلو جدا بحب المسرحيه أوى
الحلم أحيانا بنكون مضطرين نستغنى عنه في سبيل أشياء أخرى تعتبر أهم
عنتر زمان بن غلبان
فينك يا عمنا تصدق عزيزي حلوة عزيزي دي مش كده
القصيده دي للحلم وقت بتقول كلام كتيييييييير جوايا علشان كده ميرسي على البيت الرائع ده بس ممكن أستغنى عن حلمى وأتوسد حلم آخر مش مشكله بقى أقل وأسهل المهم ان يكون في حلم وبعدين يا عمنا انا مش مقصرة معاك خالص هو انا اقدر انت بس اللي بتتأخر علينا

syzef said...

ليتك تكفي عما تكتبين
ههههههههههههههههههه
الحقيقة البوست ده من القليل اللي قريته ع المدونات واتفاعلت معاه
سلااااااااااااامي

عمر said...

لم يبقى لنا الا الاحلام كلامك همس مشاعرى ااسلوبك فى الكتابه رائع الى الامام وكل عام وانت بخير

Dmo3 Al Kohl said...

كل سنة وانتى بألف خير
معلش طلب صغير قد كـــــــــدة
اتمنى تضيفى اسم مدونتى عندك فى صفحتك
طبعا اذا شوفتى انها تستحق دة
المدونة اسمها دموع الكحل
http://dmo3alkohl.blogspot.com/

ويا رب تكونى مرتاحة البال دايما

Mamdouh Dorrah said...

رائعه جديدة من روائع غادة الجنة...

توهة said...

بس
بس
بس
تسمحيلى اوشوشك شويه
احلمى كما يشاء النوم وكما تشاء الروح ولكن الحلم كله خيال فلا تبحثى عنه كثيرافى الحقيقه
ومستنيه اشوفك قريب ان شاء الله
كروان

karakib said...

رمضان كريم و كل سنه و انت طيبه و بتدوني ...
انتوك

حــلم said...

كل سنة وانت طيبة
ورمضان كريم


هو قلمك مافيهوش حبر
وللا الكيبورد بقت من غير زراير
بحب كتاباتك
منتظراك

غادة الكاميليا said...

سيزيف
ماشي يا عمنا ليتنى أكف؟
هكف يا سي سيزيف
عمر
وانت بخير وميرسي على زوقك
وليد
ميرسي يا وليد ويارب أكون مرتاحة البال
كورتكس ممدوح
غادة الجنه مرة واحده؟؟
ميرسي بشده
كروان
أنا كمان مستنيه أشوفك قريب
أنتوك
وانت بألف خير
حلم
تعرفي تقريبا أنا اللي مش قادرة أكتب حرف واحد
وانتى طيبه

جندي الفضيلة said...

السلام عليكم ورحمة الله
أختي الكريمة

أرجوا أن تشرفينا بزيارة مجموعتنا التدوينية " شباب عايزة تتجوز "

و تشاركينا في حل هذه المشكلة الإجتماعية المستعصية

و أدعوك إلى الإنضمام مجموعة عملنا التدوينة لدعمنا في قضيتنا العادلة و دفع كفاحنا نحو حياة كريمة عفيفة سعيدة

و تفضلي بقبول فائق الإحترام و التقدير

http://elzawaj.jeeran.com/



كتبه / جندي الفضيلة
مصر - القاهرة

for_elzawaj@yahoo.com

محمد أبو زيد said...

دائماً ما كنت أنتظر الشتاء وحدي أستمتع بإحساس البرد
لم أحب المكوث
داخل البيت عند نزول المطر


جميل بجد يا غادة

Diyaa' said...

long time no posts !!
yrb ykon elman3 5er

Diyaa' said...
This comment has been removed by a blog administrator.
كليوباترا said...

غاده الكاميليا مين اللى يقدر يمنعك انك تحلمى مظنش ان حد يقدر يخلى غاده متحلمش الا غاده نفسها
وكل سنه وانتى بالف حلم