بعض الهدئات ونظرة من عينيك , مرر يديك على زراعي وابتعد قليلاً
هناك عند الشاطئ لنبتدي ما قررناه، سأخلع حذاء السيندريلا عني وألقيه
في الماء ليأخذه البحر ويبعث لي لؤلؤات أطوق بها عنقي ، وهذا الفستان
الأزرق هو للتانجو فقط ، البحر له عندي دين فقبل البدء سأوفي بديني
أركض نحوه حتى يصل الموج عند ركبتي ، أدور وألف وحدي وأداعب
الموجات وأقذفها ببعض منها أبتل وتبتل ، والآن .. أنا لك وحدك وللتانجو
أمدد لي يديك عانق كفيّ بين كفيك لندور سوياً لف ذراعك حول خصري
ضمني إلي صدرك واتركني أغفو قليلا ، هي بعض الموسيقى الطيبه لي ولك
عند حلول الظلام سأنثر عقد اللؤلؤ في السماء ليصبح الليل أجمل وليكن هناك
نورُ مني لتصير النجوم أضأل بكثير من حبات اللؤلؤ ، ولنتركها سمفونية
تعزف عنّا لحناً جديداً وغريباً
40 comments:
حلوة اوي الموسيقي
والبوست رقيق جدا
يا ختي كميلة خالص
الله عليكي
ايوة كده انا كنت مستنيكي و مراهن نفسي بيني و بين نفسي عليكي
عارفة مين اللي كسب الرهان؟
انا و نفسي
هوة ده يا غادة يا جميلة
متألقة
وتزددادي تألق
الموسيقي مع البوست خلتني اعيش في عالم تاني
عالم اوعي تسيبيه
النص مكثف المشاعر
يلقي سهامه ع القلب دغري كدة
كملي الطريق الحلو اللي فيه لؤلؤ منثور و امتعينا و نسينا بعض من الهموم
تحياتي ليكي يا قمر
حلوة قوي
تختارين جملك بعناية
لغتك مكثفة لا أسهاب فيها
الا أنني معترضة علي جملة في أول البوست ربما لم أستوضح ماذا تقصدين بها
بعض الهدئات
رائع بجد البوست يجنن اسلوبك راقى جدا وبيمس المشاعر اللع عليكى البوست يجنن والموسيقى جميله جدا.مرسيه على هذه الجرعه التى تعيد للقلب نشاطه
لازالت عن راى الذى يتأكد من بوست للأخر.. كتاباتك شديدة الرقة تؤكد فعلا انك قادمة من عالم أخر، من دنيا الحواديت الرائعة.. موسيقى و بحر وصفاء وشجن و... بوست يعيدنا للحياة وسط كل ما حولنا من موت ودمار... ربنا يكرمك...ويوفقك
طول عمرك مبدعة
جاتنا نيلة فى حظنا الهباب
هههههههه
تحياتى
احساسك عالى قوى انت رومانسية كتيير فى وقت كتير ما بيفاكرشفية بالاحساس دة
عارفة انا عادة مش بحب اقرا الحجات دي بحس اني مش بفهمها ولا بستمتع فيها بس بصراحة قدامك هنا بكسر القاعدة اللي حاطاها لنفسي وافضل اقرى اللي انت كاتباه بصراحة اسلوبك جميل واهم حاجة انه بسيط و سلس وطبعا بفهمه :)
و يا ريت توزعي ع المدونين شوية من اللؤلؤ ده ماشي
بوست جميل جدا احييكي عليه
بين محطات من الوجع
نتنقل بينها دون مكان نستظل فيه
أجد مدونتك واحة وسط العالم بصراعاته
واحة ملؤها الامل و الدفء و الجمال
أريحينا دائما يا غادة بلوحاتك الرقيقة
خالص تحياتي
مين يا غادة اللى بتقوليله الكلام الرقيق ده
اكيد حبيبك
حبيبك انتى .. يا بخته
ummmm
min 3'ir ma t2olily min dah !!!
:D
mashy mashy
antouk
لست معترضا على أي تعليق سابق ولكن ..
هناك ما يؤرقني باعتباري ضيفا جديدا عليكم
ما يؤرقني هو أن أجد تلك الشلليه التي أجدها في معظم المنتديات هنا أيضا
فمع احترامي لكافة الايجابيات التي أشار اليها الزملاءفاني لم أجد أي اشارة الى نقاط العمل السلبية
رغم أني الى الآن لا أستطيع تصنيف هذا العمل الأدبي وأيا كان نوعه فهو ليس أفضل عمل قرأته في حياتي
ولا حتى أفضل عمل كتبته غادة
آسف للاطاله وتقل الدم
اسفة يا غادة بس ماقدرتش امسك نفسى
الاخ ارسطو اللى مش عاجبه حاجة ده طب ماتورينا عبقرياتك والا هو كلام وبس
منتظرة اعمالك الفظيعة
اللى اتوقع انها هاتبقى فرجة المدونات كلها
اسفة للاطالة ومش اسفة لحرق الدم
شكرا يا غادة فعلا. اللي قرأته ده خرجني شوية من حالة القرف اللي كنت فيها و على فكرة في رسالة رابعة عندي أتمنى زيارتك و زيارة الجميع.
جميله
هوميروس
تري ميرسي
شبابيك
ممكن مصاصه يا عمو
الغريب
عندي 18 سنه و6 شهور بالتمام والكمال
كورتكس
يا كسوفي منك
إيبيتاف
ميرسي يا قمر
مكسوفه
بعض الهدئات
يعني بعض البدايات الهادئه يعني مش هنبدأها بجنان منوراني يا قمر
دودي
ميرسي كتيييييييييير
بعدك على بالي
والله بحبك دمتي يالغاليه
إبراهيم
ماشي يا عم
درويش
طول عمرك فاكرني
حاول تفتكرني
يعني عجبتك؟؟ ده المهم
شريف الغريب
لأ صدقني في زيي كتيييير
نوران
خدي واحده ف الخباثه علشان خاطرك
محمد مفيد
ميرسي يا محمد
كلبوزة حبيبتي
ربنا يخليكي على كلامك منورة
يارا
وحشتيني وحشتيني وحشتيني
بس ده سر أوعي تفتني عليّ
كراكيب
ماشي
أرسطو
إيه الحكايه كل حد يدخل عندي يقول شلليه بص اللي عجه هيقول عاجبه واللي مش عاجبه برده بيقول ولو بصيت ف البوستات اللي عندي هتلاقي انتقادات كتير يعني مش شلليه ولا حاجه
مستنيه تشريفك تاني ومنورني يا باشا allabout you
لأ الأحمر بيلبسوه في رقصه أسبانيه مش عارفه اسمها إيه كده
بس ماشي نروح نشتري واحد جديد
يارا تاني
واحد يا حبيبتي والله
عز
ياااااااااااااه
أخيراً فينك يا عم ماشي مش هنسهالك وهجيلك
عوووووووليييييييييييس
يا راجل قول كلام غير ده
كلامك مأخوذ في الاعتبار يا باشا
باقوللك إيه يا غادة......انتى بتجيبى الكلام دة منين؟
فكرة الكتابة عن مشهد التانجو إنتشرت جداً
بس إنتى كاتباها حلو أوى ورومانسى جد
قرب الحنين الذي تفلته امراة في رقصه تولد اغاني زرقاء العينين
وكلما تبسمت وهي تخاصر الهواء تستيقظ اساطير كثيره كاد يدركها النوم
ماذا تفعل امراة ترقص سوى ان تنتزع من قلب العالم جمرة خبأها عاشق اتلفه الغياب
وماذا تفعل الرقصه برجل كلما اوشك على اطفاء قلبه استيقظت الشكوى بداخله ودلته على امراة تولد عطر
سيكف الرجل عن الشكوى حين يصبح للتانجو جسداً كهذا الذي هنا
وسيكف البحر عن التردد، فتنبت له ساقين كافيتين للرقض خلف امراة رقصت على شفتيه وارادت ان تغادر هكذا ببساطه دون أن تدرك ماذا فعلت به
غادة الكاميليا
اوقعت هنا مجرة من التانجو وتركت الرجال عرضه لريح الفتن.. تباركت قدماك كلما اهتزتا تولد نجمه في قلوب العاشقين
مودتي
ماجد المذحجي
maged231@hotmail.com
قل لكي في الليلة الماطرة
البحر عنكبوت...
وانتي في شراكه ....فراشة تموت
فأنتصبت في خفقان الريح والامواج
نهدان من زجاج
وأنفلتت مبحراً في رحلة المجهول
....فوق الزبد المهتاج
....ناديت
ما ردت
......صرخت
ما أرتدت
وظل صوتي يتلاشي بتلاشيها
وراء الموجة الكاسرة
خاسرة....خاسرة
أن تنظري في عيني الغريمة الساحرة
أو ترفعي عينيكي نحو الماسة التي
.....تزين التاج
امل
تحياتي
فينك يا قمر
وعاملة ايه؟
وايه اخبار النتيجة؟
يا رب تكني اطمنتي يا رب
مممممممم
هو فيه كده ؟
غادة الجميلة
ازيك .. وحشانى .. اخبار النتيجة ايه؟ وايه كل الغيبة دى؟؟ طمنينى عليكى
اعذريني يا غادة
قريت البوست لاقيته لذيذ
دخلت ع التعليقات فلاقيت هذا التعليق الذي فتنني لذلك المجهول
خسارة ان ما لوش مداونة
عودة الى البوست مرة أخرى:
حلو جدا السكة اللي ابتديتيها و لسه ماشية فيها
حلو انك لسه بتغزلي أسطورتك الخاصة و عالمك الخاص
و الجميل هنا الحركة اللي ماليه البوست
حركة و ألوان و أضواء و موسيقى
ماخلتيش حد نفسه في حاجه
مش هاكدب عليكى كنت مشغل اغنيه لواحدة مطربه مغربيه لقيت الاغنيه اطقعت ودخلت المزيكا دى اتخضيت بس الصراحه روعه انتى رقيقه واحاسسك رائع اوى اوى
كان نفسى اعيش الاجواء دى
بس طلعت كلها على الورق
بتسمعوا وبترقصوا على التانجو
واحن بنستمتع بالعصايا فى المولد
دى مش سخريه دى مفرقه بس اوعى تزعلى
انا معجب كمان بصوره دافنشى
فيه ناس بتموت وناس بترقص تانجو ياللمهزله الأرضيه وكمان انا متأكد انك ما رقصتيش تانجو لأن التانجو بيختلف عن البلدى كليا وفرعيا
والسلام للواد محمدين
على فكره الكابتن اللى كاتب البوست رقيق قوى ما بلاش سهوكه بقى ياريت نبقى أكثر مشعارف نسيت مش مشكله المهم ياعنى
سلاااااااااااااااام
ست بك
أولا أحيي كاتب أو كاتبة البوست الكويس ده لأني من مشجعي رقص التانجو وليس فريق التانجو مع احترامي واعتذاري له أقله بيدخل كاس العالم كل مرة
ولكن التساؤل واجب لماذا التانجو خاصة؟
أعتقد أن الكاتب متأثر ببرنامج
so you think you can dance
وربما أعجب به من أحد الأفلام الأجنبية فهو الرقص الأشهر فيها جميعا مع الهيب هوب
عموما شكرا للوصف الجميل ونتمنى الاستمرار على هذا المنوال
أوزوريس
غادة انا بحبك
كل الناس اللي مرّوا هنا شكراً لتواجدكم ومكنتش عارفه إني مشهورة كده يا جماعه أخجلتم تواضعنا كده الواحد يضمن نفسه في الانتخابات الجايه
.................................
بعدك على بالي
وأنا كمان بحبك يا ست الكل
الرقه و الجنون ..النعومه و الأندفاع .. الرقى و النزق .. هذا هو أساس الحياه ,, أن نعيشها بعمق ألى حدها الأقصى ..
أقولك سر بس ماتفتنيش عليا ؟ .. و انا عندى 19 سنه ( سعنى من 23 سنه تقريبا ) كان عندى سياره صغيره و فيها كاسيت قوى جدا .. و أيامها ماكانش لسه اتباع ساحل البحر الأحمر كله .. يعنى كان فيه أماكن على شاطىء البحر الأحمر من السويس و حتى الغردقه .ممكن الواحد يوقف عربيته و ينزل البحر و يمشى بعد كده و خلاص ..
فى ليلة كان القمر بدر . و كان لسه قلبى أخضر و مستمتع بالجنون و الأندفاع .. عملت اللى أنتى حلمتى بيه بالظبط .. لم يكن اللحن تانجو .. لكن رفيقتى كانت ناعمه و مجنونه شبهك كده .. و رقصنا على موسيقى أعتقد أنها كانت لفرقة البى جيز .. و المد لما على بالبحر و احنا متشبثين بمكاننا .. الميه وصلت لوسطنا تقريبا و احنا لسه بنرقص .. مابطلناش رقص ألا لما الميه قربت توصل للعربيه و تغرقها و مانعرفش نروح .. ياااااه .. فكرتينى بأيام جميله قوى ..
مش هاطلب أن الأيام دى تعود ليا .. أنا خلاص شبعت .. لكن أحلم و أتمنى لجيلكم يعيش أيام أسعد حتى من أيام جيلى
مدونه رقيقه .. كملى .. وواصلى .. و عيشى
لن اجد بدايه اجمل من ....جميــــل
فعلا يتسّم النص بالرقه والعذوبه والصفاء وذلك لما يحويه من مفردات تلك الرقه والعذوبه
كم جميلا ان يجتمع البحر والموسيقى والرقص والحبيب والنجوم .........ايه يابنتي كل ده
اجتمعت كل عوامل الرقه في النص وهذا ما اخرجه في تلك الصورة العذبه
ثلاث اشياء تبهرني في النص او ان شئت فاربعه اولها اللون تعاملتي معه بحرفيه عاليه لون البحر والسما ولون ازرق مصرح به في النص اضفي علي العمل شقاوة البحر وصفاء السماء
ثانيا الصوت الموسيقيّ الهاديء والنغمات العذبه
ثالثا وربما الاخير وله شقّان وهو ابرع ما في العمل ...الحركة ,الهادئة منها والهوجاء
جميل جدا حركته الهادئة بملامسه ذراعك ثم الحركة المموسقة في رقصة التانجو
اما عن الحركه الهوجاء فهي حركتك تجاه البحروخوضك الماء حتي ركبتيك....علي فكره بقي انا بحقد علي البحر انه مداينك نس الدين كان بسيط جدا انا البحر مداينّي حتي رقبتي
في النهايه مش هقول غير ...يابخـتـــه
اولا لازم بس في البدايه اشير للتعليقات اللي سبقتني لان بصراحه في تعليقات منها استفزتني خصوصا رد الانسه يارا علي ارسطو ...انا من رايي ان الاختلاف في الاراء نيكونش بالشكل اللي هيّاتعاملت بيه
انا اسف ياغاده اني سبت النص وابتديت البدايه بس غصب عني
النص بصراحه ل
اولا لازم بس في البدايه اشير للتعليقات اللي سبقتني لان بصراحه في تعليقات منها استفزتني خصوصا رد الانسه يارا علي ارسطو ...انا من رايي ان الاختلاف في الاراء نيكونش بالشكل اللي هيّاتعاملت بيه
انا اسف ياغاده اني سبت النص وابتديت البدايه بس غصب عني
النص بصراحه لن اجد بدايه ابتدي بيها اكتر من جميـــــل
في الحقيقه انا كنت كتبت تعليق طويل بس للاسف موصلش وعشان كده ان هلخص رايي شويه وهختصر
انا من رايى انك قدرتي بحرفيّه نوعا ما تجمعي توليفه من مفردات الرقه وده اللي خلّي النص يظهر بالصورة الرقيقه جدا دي...البحر والسما واللؤلؤ والموسيقي والرقص الهادي والحبيب......كل ده ايه يابنتي الرقه دي
وانا شايف ان ابرع ما في النص باختصار شديد تلات حاجات
اللون ...وخصوصا لما يكون ازرق
الصوت ....خصوصا لما يكون موسييّ هادي
الحركه...وهي ابرع ما في النص ولها شقين
هاديه ..في حركة ايديه علي ذراعيك ثم الحركه المموسقه في الرقص
هوجاء ..وهي جميله لابعد الحدود وتتمثل في اتجاهك نحو البحر لقضاء الدين ...علي فكره انا البحر مداينّي حتي رقبتي ...دانتي دينك كان بسيط جدا...ربنا يقدرنا ونسد
اخر ما يمكنني قوله....يابخــــت حبيبـــك
Keep up the good work Cricket moble phones razor phone codes zoloft Should i take coenzyme cq10 with lipitor Nexium false positive gothic style furniture saturn eyeglasses 401k accounts Henna removal tattoo new homes Convertible impalas for sale
Looking for information and found it at this great site... Pow mia kia Fridgeidare upright freezer san jose facelift surgery cadillac dealers barcode scanner drivers Free tattoo removal nc do it your self face lift products Fat pornstar directory Opalescence gel teeth whitening bleach Fifth wheel models spreadsheet Infiniti f14 Travel meta search engine brazil http://www.dishwasher-detergent.info/34best_time_to_take_clomid.html Answering machines and corded phone ic fluoxetine 20mg In liposuction Mains fire alarms Atrial fibillation bextra
Post a Comment