Wednesday, July 12, 2006

عن الـــبــنـــت المهاجـره

"يا حلوتي" *
هم لا يعنيهم من اسمك شيئاً ، ولا يعنيهم من قلبك شيئاً ، أنا وحدي من
تعرفكِ الآن ، يا عصفورة لك أن تتركي العش وترحلي كي يتلطــف
اسمك قليلا ويرتاح قلبكِ بعض الوقت ،لكني وحدي سأحزن لأجـلــك
هي الأشواق تجمعنا والطيبة تسكن قلبينا ، هناك .. لن تجدي من يغني لكِ
لفيروز مثلي ولن تجدي من ينام على كتفك في الباص مثلي ، لكني سأبعث
لكِ مع كل شمس أغنيه لفيروز ، ومع كل مساء وردة صغيرة لكِ وحدك
يا"حبيبتي" مازال هناك وقتان حتى يحين الوداع .. بعدها سأنتظرك دائماً
تطلين عليّ بوجهٍ لايمتلك تلك الدموع ، غيريها يا"سكرة" ببسمتك الطفوليه
يابنت ؛ لو قررتي الرحيل الآن سأعطيكي حضناً لن تنسيه عمرك ، ولو
انتظرتي حتى ينتهي الوقتان ، سأرسل لكِ نظرة تكفيكي حتى لا تبكي ثانيةً
يا "فراشة" لم تمتلك من الألوان سوى الرمادي، قلتي عني يوماً ما يقوله لي
فلكِ مني معزوفه عندما أتعلم العزف، ستكون باسمك ..ثلاثة أحرف من
(نهر ودموع و يدٍ طفوليه تحتضنني كثيراً )
"ياحلوة"
كفى حزناً فأنا لا أريد أن أبكي أنتِ تعرفي كم تؤلمني عيناي
"يا حلوة "
أشتاق كثيراً إلى أشيائنا الصغرى ... لنتفق أن نتمّها قبل الرحيل
فلربما قبل أن ترحلي إلى هناك ... رحلت أنا إلى السماء
.............
كلمة" يا حلوة" ذكرها زرياب في بوست مرآه خفيفه
لأمانة النقل يا زرياب لو تسمح لي

36 comments:

All about you said...

احيكي على التركيبة النفسية المعقدة جدا..بس في كام سؤال:
هل هي لما ترحل فعلا قلبها هيرتاح؟
هل هي هتاخد الحضن و تمشي فعلا و لا هتستنى الوقتين؟
ايه سر اللون الرمادي؟
انا مش هسأل اكتر..النص قوي جدا و مركز اوي..و متعب بزيادة
على فكرة: لما بنوصل لدرجة الوجع من البكا ممكن نبكي كتير و احنا مش واخدين بالنا..كفاية كده.

shoowbash said...

يابنت ؛ لو قررتي الرحيل الآن سأعطيكي حضناً لن تنسيه عمرك ........
حلوه اوي دي

Ezz said...

دمعة لك لا عليكي..ستبقي دائما في إنتظار الأشياء الصغرى و التى دائما لا تتم.. فيصبح الرحيل غاية و حقيقة. يا سيدتي لقد تفوقت على نفسك.. عز

هوميروس said...

الحته دي مش عاجباني
كفى حزناً فأنا لا أريد أن أبكي أنتِ تعرفي كم تؤلمني عيناي
انما الباقي كلام رقيق لواحدة انتي بتحبيها هي اسمها ندي بقي

Mamdouh Dorrah said...

جميلة و صادقة و حساسة
ايوة باتكلم عليكي طبعا

بعدك على بالى said...

غادة الكاميليا... اميرة الحواديت..

كم هو رائع ان نجد من يهتم لأمرنا الى هذا الحد... انت كائن رائع شديد الانسانية والرقة والاخلاص....

غادة كم اتمنى ان تذكرينى عند الرحيل، بصدق ، شعرت اننى بحاجة لمن يذكرنى عند اى رحيل ، افتراضى او واقعى..
اطلب منك رغم ان الزمن لم ينغلق علينا، والتفاصيل والاشياء الصغيرة لم تجمعنا واقعيا ولكننى اتصور انها موجودة وجدانيا....
بصدق شديد شعرت اننى بحاجة الأن لضمة صدرك وبنفس الحنان والقوة التى ستمنحيها لندى... ما اجمل الوفاء والصدق ...

خالص محبتى واحترامى واعتزازى

shababik said...

يا بختك بيها يا ست غادة
بس أنا بيتهيالي إن البنت دي هي إنتي بردة مشى مبوظ الاعتقاد دة عندي غير الجملة بتاعة تنام علي كتفي في الباص وممكن أتجاوز عنها

Dody said...

هاييييييييييييييييل بوست يجنن بجد .مبدعه

سلامـــــــــــــه said...

دائما ما اجد روعه اسلوبك المتدفق
وسلاسه كلماتك المعبره
لكنني وجد هنا ما هو اروع من ذلك ؛ انها من تكتبين عنها
اجزم تستحق اكثر مما قيل بكثير
اؤمن انه لن يشعر بشعوري الا من عرفها
انها .. ..ثلاثة أحرف من
(نهر ودموع و يدٍ طفوليه تحتضنني كثيراً )
...............
ليتني استطيع ان اعبر لها كما عبرت انتِ.. لو قررتي الرحيل الآن سأعطيكي حضناً لن تنسيه عمرك ، ولو انتظرتي حتى ينتهي الوقتان ، سأرسل لكي نظرة تكفيكي حتى لا تبكي ثانيةً
...............
انني احسدك يا صغيرتي عليها
...............
ابلغيها سلامي

فنجان قهوة said...

الحالة هلامية اوى يا غادة
ماقدرتش اتواصل معاها اوى
واضح انها حاجة ذاتية اوى

karakib said...

جميله انت
انتوك

غادة الكاميليا said...

allaboutyou
وللإجابة على أسألتك
1بصراحه مش واثقه بس أعتقد إنها على الأقل هتلاقي حد يخاف على مشاعرها أكتر هناك و ميحاولوش يزعلوها
2هي تقريبا هتستنى لما ينتهي الوقتان
بس لو حصل واتخنقت من هنا ممكن تقرر الرحيل
3اللون الحزين اللي متملكها
على فكرة: عندك حق
shoowbash
والله انت اللي حلو
ezz
يا سيدي شكراً
احرجني انت كده بذوقك على طول
هوميروس
اسمها ندى ؟أيوة بس ليه الفضايح دي شردت البنت
cortex
أنا كنت لسه هسألك تقصد مين
بعدك على بالي
صدفيني أنا بجد ححبيتك في عالمنا الافتراضي ده ومتأكده لو عرفتك ف العالم الواقعي برده هحبك
وآدي يا ستي حضن كبيييييييييييير لكِ
شبابيك
غلط غلط غلط
طب أنا اسمي أربع حروف رميت الرابع
ده ووديته فين؟؟
هي زي م الكل قال ندى م انت عارفها
dody
ربنا يخليكي يا قمر
منورة البلوجات
albelkelma
يوصل يا باشا
فنجان هانم
هي فعلاً ذاتيه جداً
يلا خيرها ف غيرها
أنتوك
والله انت اللي جميل يا أنتوك
منورين يا جماعه

sha3'af said...

غادة
أولا باعتذر عن التأخير لوجود مشكلة في الجهاز تمنع فتح البلوجات اللي عليها ريال بلاير

المهم
أنا على فكرة جه على بالي نفس اللي شبابيك بيقوله أول ما بدأت قرايه

لكن بعد كده اتضحت الأمور

على فكرة انتي مش واخده من عند زرياب الكلمة بس ، لكن أسلوب الكتابة كمان

زرياب ده باين عليه مش هايجبها لبر في تأثيراته الاشعاعيه علينا

حبيت الكتابة دي جداااااااااا وتفاعلت معاها قوي

باعتقد دايما ان النوع ده م العلاقات صادق قوي و مش متحكم فيه أي حاجه غير المحبة اللي ربنا بيرميها في قلوب عباده اتجاه بعض

Zeryab said...

آه يا جابرين خاطرى يا نى
على رأى هوميروس
تبسم للنبى

كروان الفانتازيا said...

هلا انا ضيفه جديده بس انت عارفانى على العموم عجبتنى المعزوفه نهر ودموع ويد طفوليه .... وحلو الصداقه الى بينكما اتمنى لها الدوام ..بتفكرنى بى أنا وكروان
والله الموفق

فانتازيا

rasha said...

انت خلتيني احس اني انا انتي و اعيش نفس احساسك و ده مش سهل حد يعمله بجد جميل و رائع و تحفه برافو

Darweshe said...

بس تفتكرى ان لسه فى احاسيس على ارض الواقع بالبرآة والطيبة والشغف والولع والحنية الاوفر اوى دى اللى انتى وصفتيها واعتقد انها احاسيسك ومن واقع تجربة عاصرتيها دا مجرد تكهن بس ليس الا
لكن لو صدقت تكهناتى فأنا احسدك على هذا حسد يصل لدرجة الحقد ....
المهم لو كان فى الدنيا احاسيس زى دى بيتهايهلى ان الحب دا والاحاسيس دى كلام مدونات يعنى خيال شعرا ملهوش اثر ..
ولا انتى رأيك ايه ....
وتحايتى على بوستك الجامد ..
ملحوظة:
انتى شايفه انا بقالى فترة مبدونش
ولا حتى بفتح مدونات بس لما فتحنا قولنا لازم نمر عليكو ونمسى

Gbalawy said...

لسه جاى من سفريه طويله ولو كتبت تعليق مش هاقدر اقول اللى عايزه

انام وافوق وربنا يسهل فى المدونه المشكله دى

غادة الكاميليا said...

شغف هانم
كنت مستنياكي والله
هو زرياب مش هجيبها البر هيوديها البحر
باعتقد دايما ان النوع ده م العلاقات صادق قوي و مش متحكم فيه أي حاجه غير المحبة اللي ربنا بيرميها في قلوب عباده اتجاه بعض
أنا كمان معاكي ف رأيك ده
وبعدين الله محبه
زرياب
للنبي تبسم
كروان الفنتازيا
وأنا بقول البلوج منور ليه
درويش
يااااااااااااااااااااااه
فينك ياراجل كل مدخل عندك ألاقيك لسه مفيش حاجه جديد شكلك طلعت من حالة الاحتضار ربنا يخرجك منها على خير بس ياريت متتأخرش علينا بس على فكرة دي أحاسيس حقيقيه لسبب إني مبفتعلش حاجه بس متتأخرش كتير كده تاني
رشــــــا
أنا كمان بحب أعيش الأحاسيس دي لأنها نقيه أوي منورة
جبلاوي
ألف حمد الله بالسلامه ومستنيه تحل المشكله اللي هنا دي

بعدك على بالى said...

انا اللى عاوزة اعرف نتيجتك انتى عملتى ايه وطمنينى.. اما عننا فهو فى نظام بديل للثانوية الغامة وعليه فنتيجته النهائية (جواب نهائى) العام القادم يعنى مجموع السنتين، ومن ثم يبقى الحال على ماهو عليه، ناجح فى جزء وببلاده بيحاول يجتاز الجزء الاصعب وانا ياعزيزتى لا املك الا الدعاء بهداية الحال وبالصبر لى وكبت الغضب و لسانى الطويل ..............

بحبك ياقمر وبشكرك على اهتمامك ، معندكيش فكرة مجرد ان افتكرتينى وسالتى ده عمل فى ايه.....
عاوزة حضنك بجد ابكى فيه من كل العبث والقسوة والخنقة اللى انا فيها ، نفسى اكتب ياغادة يمكن ارتاح بس مش عارفه، حتى الكلام يبدو عجزنا عنه...
بحبك..

Epitaph said...

تعبيرك اكتر من رائع
ما شاء الله
كل يوم بتتألقي
وتوصلي بكلماتك الرقيقة للقلوب
ما شاء الله

صحيح...نقول مبروك ع النتيجة؟!
فين الشربات؟

كليوباترا said...

مش عارفه اقول ايه بس كل اللى انا عرفاه انى حبيتك قوى مش عارفه يا كامليا انت حسستينى بلحظه بكرهها جدا لحظه الفراق احساس وحش جدا
بس كم الشاعريه والذاتيه اللى قالت عليها فنجان حببتنى فى كل كلمه كتباها
عيشتنى اللحظه اللى انتى كتبتى عنها وحسستنى انى عاوزه ابكى كتييييييير

أجدع واحد في الشارع said...

بوست جميل اوووووووووى
وخيلك واسع وروحك حلوة

Anonymous said...

مع السلام عليكم...ضيف جديـد يارب يكون ضيف خفيف..بتفق مع الست فنجان في خصوصيتها وده سر جـمالها...اللي ميعرفش اللي انتى بتتكلمي عنها ممكن يحس ان انتي بتبالغي بس اكيد انتي لما قلتلها (ياحلوه..وثلاث احرف )وانا من قبلك لما قلتلها (ياصافية)لسه مش اديناها حقها
عجبني جدا الحضن الذي يكفيها فترة الغياب
معجبنيش جملة فانت تعرفي كم تؤلمني عيناي
النص خليط من الفصحي علي العامية يعني سمك لبن تمر هندي وده بصراحة شىء مستفز خصوصا الياع اللي كنت بتحطيها في (لكي..انتي)وده مينفعش طبعا لانك اخدتي الملحوظة دي عليا قبل كده
انا لسه مصمم ان اجمل ما في النص خصوصيته وعلاقتكم ببعض اللي ربنا يديمها وسندة راسها علي كتفك في الباص..شكلي طولت ..مع السلام عليكم.

syzef said...

معلش نسيت اعرف نفسي ...انا لسه شكلي جديد في الموضوع ...انا تخاطيــــــــف

غادة الكاميليا said...

بعدك على بالي
والله أنا اللي بحبك جدا جدا
بس النتيجه لسه مطلعتش
إيبيتاف
فينك يا بنوته وحشتيني
إدعيلي إنتي بس وأنا أجيبلك اللي إنتي عايزاه
كليوباترا
أخيراً ظهرتي
مش عندي حق برده؟؟؟

غادة الكاميليا said...

إبن الشارع
إنت الأجمل والله

غادة الكاميليا said...

والإنفراد لتخاطيف أنونيوس باشا
منور والله فينك انت بقى بس أناعندي ردود لكل كلمه عندك ع الأقل هنا أقدر أرد فلأشمر عن زراعي ولأحضر التحاضير وأعد الأعاديد
أولا
مع السلام عليكم...ضيف جديـد يارب يكون ضيف خفيف
..................
أولاً حضرتك تدخل ف الموضوع على طول إحنا مش ف ستار أكادمي
ثانياً
بتفق مع الست فنجان في خصوصيتها وده سر جـمالها.
...................
ثانياً وأنا كمان بتفق
ثالثاً
اللي ميعرفش اللي انتى بتتكلمي عنها ممكن يحس ان انتي بتبالغي بس اكيد انتي لما قلتلها (ياحلوه..وثلاث احرف )وانا من قبلك لما قلتلها (ياصافية)لسه مش اديناها حقها
................
ثالثاً شردتلي البنت
رابعاً
عجبني جدا الحضن الذي يكفيها فترة الغياب
..........
رابعاً دي نوع من أنواع الحميميه النادرة أوي
خامساً
معجبنيش جملة فانت تعرفي كم تؤلمني عيناي
..............
هي بس اللي تعرف أنا عاوزة من الجمله دي إيه وهي بس اللي فاهماها
سادساً
(هي الدنيا طولت كده ليه)
سمك لبن تمر هندي وده بصراحة شىء مستفز
هو أنت أستوفزيت
إذن فأنا نجحت
بس أنا أخدت عليك الملحوظه دي إمتى إحنا هنفتري ولا إيه
..............
راجع النص هتلاقيني أنا اللي بسند راسي على كتفها يا مصحصح
وأخيراً
مع عليكم السلام

ayman_elgendy said...

ماذا استطيع ان اقول بعد ما قاله الرائعون من قبلي لرائعة الاساطير غادة؟؟

مودتي وتحياتي

النوبى said...

ايه الكلام الحلو اوى ده
بوست جميل اوى
وكلام كله احساس
يعنى طالع من القلب
***************
تحياتى
النوبي رئيس جمهوريه اسوان العربيه

أُكتب بالرصاص said...

تركيبة غريبة لا تأتي إلا من شخصية متفردة

عايزة تركيز شويتين

مع فنجان جنزبيل علشان البرد

تحياتي

yara said...

غادة حلو البوست اوى اوى
عجبنى بجد حالة التوحد بينك وبين نفسك انا كنت مفتقداها
فكرتينى يابنت اللذين
تحياتى

كروان الفانتازيا said...

عارفه ياغاده انا مش هبكى لانى احتفظ بالبكاء لشئ عظيم ولكنك لمستى وترا بقلبى لكم حاولت ان انساه
مش عارفه اشكرك ولا أعاتبك

كروان

عنتر بن غلبان said...

رميت نفسك في حضن
سقاك الحضن حزن
ما علينا
انا خايف عليكى من كتر الحزن لتحبيه وتستسيغي طعمه(ربنا يستر
لكن الحزن نقمة القلوب وعزاء الوحدة
وانيس لا يمل البقاء
الحزن وفي جدا يا اختي الفراشة
حاسبي

Anonymous said...

Best regards from NY! Time share refinancing natural antidepressants and weight loss

Anonymous said...

Excellent, love it! film editing classes