Sunday, April 16, 2006

تـــــــأوهـــات

صرخت بداخلي صرخه لم أعهد مثلها ...........قمة الألم في هذه اللحظه أني أرغب في البكاء

تختنق الدمعات في عيني.......... فقط ....أنظر إلى اللاشيء, أستجمع بعض الدموع محاولة افراطها
على خديِ, لكن لا فائده , فقط؛ تتبلل الرموش بالدوع ولا شيء أكثر
أقطع المسافه بين نزولي من الميكروباص وركوبي الأتوبيس.......ولا أفكر في شيء سوى أنني أختنق , كل الناس ينظرون لي ببلاهة, متى سأعود للبيت (أول مرة أهتم بالإجابه عن هذا السؤال ) بعد لحظات من الوصول
أنظر إلى صورة الطفل المعلق على الحائط ...... ربما أشبهه كثيراً الآن .......
, أنخرط في البكاء ولا أستيقظ سوى في الصباح التالي

22 comments:

Nightlegend said...

ليه كل الحزن ده ياترى؟

karakib said...

الكلام مش مفهوم خالص بس مسحه الحزن الشديد باينه فيه اوي 000
انتوك

غادة الكاميليا said...

nightlegend:الحزن ده من حاجات كتير أوي ...أكيد عندك حاجه منها
Karakib:مش مفهوم ليه بس
دقق شويه وانت تاخد بالك
منورين يا جماعه

karakib said...

انا مش فاهم قصدك اوي 000 ده حنين الي الطفوله ؟؟ و لا ده احساس بالاحباط ؟؟
هو شيء حزين بينط من ما بين السطور بس اسبابه مش باينه !!! مش عارف ليه
لو البلوج منور يبقي منور بصاحبته يا غاده الكاميليا 000
انتوك

غادة الكاميليا said...

karakeb:
تقريباً انت وصلت للي أنا عايزاك تفهمه خلاص ... انت كده بقيت تقريبا فهمني
إبراهيم:
ليه بس التصورات الوحشه دي
خليك مع كراكيب وانت تفهمني

mariamagdolen said...

جميلة اوى يا غادةيمكن دة نفس الاحساس اللى كنت بعيشة من شهر بس الحمد لله وبجد انت صورتية حلو

karakib said...

غاده الكاميليا 000
لو فعلا هو ده الاحساس اللي عندك 000 يبقي مش وحدك 000 ناس كتير اوي كده صحيح انت قادره تعبري عن ده حتي لو اسلوبك عميق بدرجه كبيره
انك قادره تعبري تنفثي عن هذا الغضب و الاحباط المكتوم في صدور اغلب المثقفين في بلاد الاحباط و الكأبه و الفقر و اللامعني و اللا مبالاه ده في حد ذاته ميزه
اشكري ربنا انك ليكي مساحه من الحريه و الموهبه هنا 000 غيرك كتير مش لاقيها و لا هيلاقيها لانه مربوط في ساقيه 000
انتوك

هوميروس said...

مش مهم الناس يشوفوا الواحد ازاي المهم هو قادر يريح نفسه ازاي ابكي بأعلي صوت لما تكوني مخنوقة واتنططي من الفرح لما تبقي مبسوطة
الله يخرب بيت اللي يزعلك

غادة الكاميليا said...

karakib:
انت خلاص كده فهمتني صح
هوميروس :
تفتكر الناس هتخليني أعمل اللي نفسي فيه من غير م يعاتبوني حتى ان كان اللي بعمله مفيهوش شيء من الغلط ؟
تفتكر هقدر أصرخ أو أتنطط في اللحظه اللي بيكون الاحساس ده مسيطر علي ؟
تفتكر ؟؟؟؟

Darweshe said...

لا ادرى بماذا اعلق ؟؟؟؟؟ لقد احتبست الكلمات فى اعماقى

marktwain said...

غاوية حداثة شكلك كده ....
الحزن من الواضح انك بتحبيه اصلى بعشقه قمة الاحساس بتبقى فى الحزن وكمان قمة الابداعو الاحساس بالامل
الاحزن ...... ما اروعه

هوميروس said...

ملحوظة من يقضي حياته في ارضاء الناس فحياتع ليس لها قيمة

admelmasry said...

ااااااااااااه

هو انت منهم .. ؟ طيب

Anonymous said...

يا غريب فى الكون يا قلبى .. ياللى حاير فى الدروب
كل ما تحزن تخبى.. كل ما تعشق تدوب

غادة الكاميليا said...

درويش : بلاش تحبسها علشان متبقاش زيي منور البلوج
مارك توين : بس تصدق لما تفرح وتبقى عامل زي العيل الصغير بتبقى أحلى تحس إنك لسه فيك حياه
هوميروس : ياغالي علي يبقى سيبنا من الناس وانشلا يخبطوا دماغهم في الحيط
آدم : شكلك جاي تعلق على هوميروس مش ع البوست
فنجان : منور ياجميل حمد الله بالسلامه بس ده انتي كده اختزلتي البوست ف كلمتين أحلى من البوست نفسه
منورين ويعله عامر بالزباين الحلوين اللي زيكم

shababik said...

كويس يا كاميليا انك عرفتي تلاقي مكان مناسب تبكب فبة البكا بيغسل بردة

Tamer Nabil Moussa said...

انا مؤمن بان لحظات الحزن لازم نعيشها زى لحظات الفرح مع الفرق اننا نشوف اية الشىء اللى بيحزنا ونبتعد عنة

بوست جميل

ربنا يوفقك

الى الامام

غادة الكاميليا said...

ماشي يا شبابيك بس متحرمنيش طلتط منور
تامر: منورني ده أولا بيتهيألي لو انتقيت لحظات الحزن علشان أبعد عنها مش هبقى غادة الكاميليا
صدقني بدون الحزن لن أكون أنا
واحده نكد من الآخر
منورييييييييييييييين

karakib said...

ين البوست اللي بعده ؟؟
هستني كتير !!! :)
انتوك

Anonymous said...

بريئه
غاده حبيبتى شغلك جميل وبيزداد روعه كل مادا ولك على الدرب اغنيااااات تعيشينها فى حب يحتويك مش فاهمه حاجه صح؟
عندك حق ازا كان انا مش فاهمه
سلام يا قمر وتحيات لكل المعلقين على البلوج معاكو ربنا

Anonymous said...

تحياتى لمارى ماجدولين وهوميروس

بريئه برضو

Anonymous said...

بريئه
غاده سيبك يا حبيبتى من اللى يقولك ليه الحزن ويعملك فيها دكتور نفسانى بيحل كل مشاكل الناس ويا عينى هو الشمعه التى تحترق من اجل ان تنير للاخرين....سيبك
عاوزه تحزنى احزنى عاوزه تخنقى علينا اخنقى ولا يهمك عايزه تضحكى مالكيش دعوه اضحكى ونورى الدنيا
المهم متكبتيش يا ماما لا يجرالك حاجه بعد الشر عليكى ساعتها هينفعونا بايه اللى بيقولولك متحزنيش ولا حاجه اسمعى كلام هوميروس
وسلام
(ملحوظه)
مكنتش اعرف انك رغايه للدرجادى