Friday, June 15, 2007

.......................

بنحاول دايماً نهرب من بعض ،مش علشان مش عايزين نتقابل أبداً، لأ،علشان لو مرة

عنيك حضنتنى هخاف انى أبعد ، أصلك مش عارف إزاى لما أتعرى وملقاش رمشك

بيحاوط قلبي، إن البرد فظيع، ممكن يقتل كل ملامحى ،والليل راح يملى الدنيا حزن

وموت ، بعترف ، إنى بحلم أشوفك لو صدفه ، أو أحلى تكون صـدفه ، فهتضحك

وأضحكـلك ، هتحاول تحضنى برمش عنيك ، بس أكيد هتلاقي حواجز واقـفه ف وشك

حاسب ...........مهما يكون الحاجز،أنا لسه كفوفي عليها ملامحك .........فاكر؟؟؟؟؟

أنا فاكرة

16 comments:

عين ضيقة said...

انت فاكرة؟

وأنا النص عاجبنى


انت عاملة ايه؟
يارب تكونى كويسة

سلام

21arestoo said...

لا طبعا دي قصيدة
وحلوة كمان

لكن
ليه انتي لسه فاكرة
مش عارف اقولك ايه
بس انسي

syzef said...

جميل التص ...رقيق لحد كبير
بس انا عايز اسال سؤال ..ايه حكاية النصوص او خليني اسميها البوستات اللي بالعاميه دي..انا شايف انها لو اتكتبت بلغه فصحي فنيه هتكون نصوص قويه لحد كبير..زي مثلا (اوف لاين) حاولي تاخدي بالك من نقطة زى دي

ممكن نفضفض كويس جدا في اطار فني

مفيش فايدة said...

كلمات ف غاية الرقة والعذوبة ووصف رائع للحظة نفتقدها

تحيااااااااتى

Yassmina said...

ترتسم ملامح من نحب على خطوط وجوهنا حتى نكاد نصبح نشبههم
وقد يراهم البعض مهما مر الزمان
بعيوننا

تحياتي
ابدعتي ياغاده بجد

كمانجه said...

جميل جدا
واضح أنى غبت قوى
أخر مره كنت غير كدا
بس بجد جميل

وشكرا لحسن استماعكم
كمانجه

الوردة السوداء said...

كلنا فاكرين

بس بنعمل نفسنا مش فاكرين


مش كدة ولا ايه؟

.:.-=- ELGaZaLy-=-.:. said...

وأضحكـلك ، هتحاول تحضنى برمش عنيك ، بس أكيد هتلاقي حواجز واقـفه ف وشك

حاسب ...........مهما يكون الحاجز،أنا لسه كفوفي عليها ملامحك .........فاكر؟؟؟؟؟

أنا فاكرة

00000000000000000000000000000000

مفيش شئ بيتنسى فلا حجات كتير بنحاول

نتنساها بس مش بننسى لو نسينا

مكانش بقينا موجودين

حلوة جداااا

Ezz said...

غادة: انتي عارفه رايي في كتاباتك .. بس المشهد ده جامد:

حاسب ...........مهما يكون الحاجز،أنا لسه كفوفي عليها ملامحك .........فاكر؟؟؟؟؟أنا فاكرة

طبعا في تفسير أخر لهذا المشهد و هو:

حاسب دي تبدو كلمة تهديد و تذكير بوعيد،

أنا لسه كفوفي عليها ملامحك.. فاكر: و كأنك بتقولي له: فاكر و لا أفكرك لما رزعت بالقام علةو وشك.. لسه كفي علية ملامح خلقتك..

طبعا ده تهييس من عندي بس حبكت بقى.. الليلة يا عمده.. يعني حبكت... أيوه حبكت..

تحياتي يا جميلة القلب... عز

غادة الكاميليا said...

عين ضيقه
اه والله لسه فاكرة
المهم ان النص عجبك
أنا عايشه
وانتى؟

أريسطوا
أنا قلت أسألك برضوا أومال ما انت الريس ولا إيه ياباشا
وكويس أوى إنه عجبك
وع العموم بحاول أنسى

سيزيف
أنا كنت رديت رد كبير جدا في توضيحات كتيييييييييير بس للأسف حصل إيرور ومش عندى استعداد أكتب تانى
المهم ان النصوص التى ليست فضفضه في نظرى عجبتك
تحياتى

مفيش فايدة
ميرسي على ذوقك
ويكفينى أنها أعجبتك
تحياتى

ياسمينا
الغاليه دوما اختصرتى النص في إيجاز هايل
رائعه يا جميلتى
تحياتى المعطرة بزهرك

كـمـانـجه
الدنيا لاتبقي شئ على حاله
فهل ستبقى علينا ؟؟
الأهم أنك حللت هنا بعزفك وأعجبك النص
وشكرا لحضورك

الوردة السودا
قفشانى ياتوته
كلنا فاكرين مش كده

الغزالى
ربما نعيش لكن بصور مختلفه وجديدة
سنحاول التأقلم على دنيا وعالم جديد
تحياتى

عــز الغالى
والله ضحكتنى
مش مشكله التفسير العجيب ده حبكت حبكت زى متحبك معاك ارمى علي ولا يهمك المهم أن تظل رائع وأنا أعرف أنك تعلم الرؤيه الأوضح
دمت قريب يا صديقي

بياترتس said...

الحب بيبقى أجمل لما نشيله جوه نقطه جوانا بعيده ونبطل نحلم بيه
يمكن اكون ابعد انسانه تتكلم عن احساسك ده لانى لسه معشتش تجربه حقيقيه
بس حاولى تستخبى
كده هيكون احسن كتير
بالنسبه للعمل الأدبى
هو عالى ياغاده وعجبنى جدا

sherif gharib said...

كل اللى اقدر اقوله انك قدرتى و ببراعه فو وصف حاله
حاله ممكن كلنا نعيشها و نحن فى حاله الانتظار
الانتظار الذى يذيب العشق ننتظر حتى نلقاه و نذوب فى عشقنا و تتلاقى الكفوف فترتسم عليها ملامحنا بعيدا عن كل الوجود
نحياتى ايتها الحالمه

بعدك على بالى said...

كنص هايل لكن لو بتقصدى المعنى اللى جواه، بمعنى انك بتعبرى بيه عن حالة جوايا فمعلش يا غدوده ياجميله انا حاعتبره هرتله وتهييس فعلا


بحبك ووحشتينى

غادة الكاميليا said...

بياترتس
لا أجمل منانه عجبك كنص أدبي سيبكبقى من الأحساسيس والكلام ده

شريف غريب
رائع احساسك بالنص
احساسك في فهم عميق جدا ياشريف وصفت ببساطة كلام كتير
ميرسي على حضورك الرائع

بعدك على بالي
اعتبريه هرتله تهييس أي حاجه المهم إنكمازلتى موجودة جواري
أحبك حتى الفناء
دمتى أروع صديقه يا غاليه

وائل فتحي said...

اكيد لو غسلتى اديكى هاتنسيه خالص
( قال يعنى دمى خفيف )
بس حلوة اوى الحالة

Mony The Angel said...

kfaia enk fakra :)
hope u 4fet one day