Tuesday, March 06, 2007

إعتــذار

محمد أخويه اللي مات ومش موجود خلاص
محمد أنا آسفه آسفه بجد لأنى مكنتش موجوده معاك آسفه لأنى كنت أضعف
إنسانه خلقها ربنا ومشفتش غير أزمتى وملحتقش أكون جمبك بس أنا والله
بحبك أوى انت عارف كده صح؟؟
انت وحشتنى بجد متزعلش منى أنا مش حاسه إنك بعيد امبارح سمعت صوت
ضحكتك مخفتش بس اتمنيت تكون انت عارف أول مرة أكون محتاجه ليك انت
بالذات أناأسفه إنى محستش الاحساس ده غير بعد ما مت
تعرف لما زرتنى في المنام ساعتها قلت انك أكيد مسامحنى مش كده؟؟
محمد مش أنا طيبه ؟؟
طيب هي الدنيا والناس بيعملوا معايا كده ليه
هو أنا ليه كده أكيد دلوقتى مفيش حد ممكن يجاوبنى بطهر زيك
هو ليه رغم كل الناس اللي حواليا حاسه إنى لوحدى؟بس انت معايا
الوحيد اللي معايا دلوقتى ومش عايزة حد تانى
مها
أسفه ليكى إنى كدبت عليكى وكنت بضحك وأنا هنفجر من العياط بس
صدقينى لو كنت بكيت قدامك مكنتيش هتتحملينى سامحينى بس صدقينى
انتى دافيه وأكيد حاسه بي
ماما هبه
ممكن تسامحينى انتى حنينه وحاسه بي انتى أكتر حد بقى يحس بي
سامحينى على ضعفي وسذاجتى أنا محتاجه حضنك أوي ومحتاجه
إيديكى تشد إيدى
ماما
انتى بالذات آسفه بجد لأنى ممكن أسيبك قريب أنا خايفه عليكى بس متزعليش
ده السبيل الوحيد علشان أخلص من كل الوجع
بابا
أنا تعبانه أوى ومحتاجه حضنك
محمد أخويه
ممكن تيجي تاخدنى بقى ؟؟

28 comments:

عنتر بن غلبان said...

غادة
مفيش كلام ممكن يواسي او يعزي بس كنت اتمني منك وعود باشياء حلوة بدل الاعتذارات ممكن تكوني انت مصدر التفاؤل والعوض اللي يصبر لكل حبايبك
شدي حيلك

بارك الله فيكي

karakib said...

غادة أفهم و أقدر ما تمرين به
لكن لا يموت من كان يحبه من حوله
يترك اجزاء من روحع بداخلهم
يترك ذكرياته و اناته و ضحكاته
حاولي تعملي صدقة بأسمه هو
و تدوري كان بيحب يعمل أيه خير و تعمليه بالنيابة عنه
لكي يكون سعيدا ... يتألم من فارقونا لألامنا ... و يفرحون لأفراحنا
خليه يبقي فرحان و هو بعيد عنك دلوقتي
ربنا يصبرك و يعزي كل اسرتك

Ezz said...

الواحد لما بتوجع او بيتألم بيقول "أخ" .. الحزن على الأحباب شيءنبيل.. من حقك تحزني و تبكي و تتألمي.. بس كمان من حقه عليكي تدعيله بالرحمة و تتكفلي بصدقة جاريه على روحه. ربنا يحميك و يقويك و يفرغ عليكي و والدك ووالدتك الصبر. عز

الوردة السوداء said...

انا كنت عارفة انك بتدارى ورا ضحكتك دموع كتيرة
بس انتى مكنتيش محتاجة تداريها
الضحك الهستيرى ده انا عارفاه كويس وعارفة وراه ايه

كل اللى اقدر اقولهولك انى حسة بيكى اوى

عين ضيقة said...

ليس لأجل احد
لكن لأجلك أنت
كونى أقوى
علمى نفسك
كيف من عمق الحزن تخرجين شيئا يشبهك
(وردة ... بيضاء)

Anonymous said...

انا كتفقة تماما مع عين ضيقة لازم تكونى اقوى واشد علشانك اولا وعلشان تقدرى
تفيده بعمل شىء يفيده، والاهم تقدرى تسندى ابوكى وامك اللى متقدريش تتخيلى قد ايه احساسهم بالوجع .. اضعاف اضعاف ماتشعرين به، انا مش بقلل من وجعك بس احساس الام او الاب بفقد الابن ده احساس مرعب و يرب ما يكتبه على حد
غادة انا مش بطالبك بعدم الحزن لا، انا بطالبك تخرجى حزنك فى شىء مفيد ..كتابه، مذاكرة.. حاجات تعمليها لمحمد ولماما و.. زى الكل ما اقترح عليكى، وافتكرى دايما انك انسانه على قد ما انتى رائعة شكلا ومضمونا، فانتى كمان قويه وحتقدرى تتغلبى على بكرة وتملكيه.. كل نجاح حتحققيه اهديه لمحمد اللى اكيد حيكون سعيد بيك...

خلى بالك من نفسك ومن ماما
انا بحبككككك
ماما هبه

tota said...

غادة
من حقك تحزنى ويبقى المك مالى الدنيا
ومن حقك تعرفى ان اقدار الله لا يردها اى شىء على الارض
وجودك او غيابك مكنش هيمنع الاقدار
كل اللى تقدرى تعمليه انك تدعيله بالرحمة وتوهبى عنه وتعملى خير باسمه وكل حاجة هتعمليها ان شاء الله هتكون فى ميزان حسناته
اسعديه بالخير الكتير اللى تقدرى تعمليه وخليكى جنب ماما هى محتجاكى قوى
ربنا يصبر قلبها وقلبك
ونسأل الله له الرحمة والمغفرة

Sampateek said...

البقاء لله يا عزيزتي
لله ما اعطى و لله ما اخذ

احنا البشر دايما مقصرين
بس بنقدر نعوض تقصيرنا في حاجات تانية كتير

ربنا يفرح قلبك
:)

بيسوو said...

والله فاهماكي وحاسة بيكي
بس للاسف مفيش حاجة ممكن تعمليها غير انك تبصي للحياة بعيون احلى واوسع
الدنيا عمرها ماهتقف علشان حد مننا
عارفة ايه الي هيخليكي احسن
انك تفتكري احلى حاجة مرت في حياتك مع اخوكي..افتكري ان كلنا بنغلط
حاولي تكوني اقوى من حزنك علشان لو اتغلب عليكي مش هتقدري تفوقي منه بسهولة
ممكن كلامي ميكونش ليه معنى او ميكونش بيفرق معاكي بس حسيت اني لازم اقوله وانك لازم تقريه

VEЯŎ said...

ربنا يرحمو ادعيلو يا غادة ان ربنا يغفرلو ويرحمو حاسس بكل كلمة انتي بتقوليها ادعيلو واقري قرآن كتير ادعيلو بالرحممة ربنا يرحم كل موتى المسلمين

21arestoo said...

انتي طيبة اوي يا غادة
واكيد مش محتاجة كمية الاعتذارات دي
ربنا معاكي

حائر في دنيا الله said...

غادة
الدنيا أقل مما تستحق في نظرنا, وأصغر مما نتخيل وأتفه مما نرى بالفعل

واستحلفك بكل ما هو عزيز لديك وبأخيكي الذي تحبيه أن تسعديه بأن تكوني كما يحب لك
وتخرجي من حالتك حتى تسعدي أهلك وتفعلي كل ما هو جيد وطيب وايجابي من اجل خاطر محمد
إذا كنت تحبيه فعلا وأنا لا أشكك في حبك له


ولله ما أخذ ولله ما أعطي

Memo said...

البقاء لله

بياترتس said...

معقول يابت ياغاده عندك كل التعليقات دى كلها والناس دى كلها بتحبك وعايزه تسبيهم وتمشى

تبقى مجنونه
بس عارفه لازم تكملى عشان محمد لو مكنش عايزك تكلملى كان جه من غير سؤال

كرانيش said...

دايما بمنحسش بالحاجه الا لما تضيع من ايدنا
حبيبتى انا عارفه والله العظيم انتى عامله ايه دلوقتى
بس انتى دلوقتى بتعتذرى لمحمد لانه راح وانتى مكنتيش بتحسى بيه ولا تخليه يحس بيكى
ارجوكى يا غاده
عشان خاطرى
اتمسكى بكل حاجه حلوه فيكى دلوقتى
عشان متضطريش بعده كده تعتذرى لها هى كمان
وبعدين انتى دايما اقوى من اى ازمه
مش كده؟؟

Human said...

انه موجود داخلك ..انظري في المرآه ستجدينه ...سيكون راضيا عندما يجدك سعيده

فنجان قهوة said...

آسفة يا غادة إنى باعزيكى متأخر
بس أنا بجد عارفه إنك كان حواليكى ناس كتير بيحبوكى و خايفين عليكى بجد .. بصى أنا و الله مابعرفش أنطق فى المواقف دى .. بس إذا كانت الاعتذارات اللى إنتى كاتباها دى عن ضعفك و عجزك .. فأنتى لسه فى منتهى الضعف يا بنتى و ماينفعش تعتذرى عن حاجة انتى لسه فيها .. انتى مش محتاجة تعتذرى عن حاجة لحد .. و لا محتاجة محمد اخوكى ييجى ياخدك .. انتى محتاجة تشغلى زرار الاحساس اللى بيحس بالناس اللى حواليكى و تخرجى من توحدك ..
أنا مش عارفه أقولك ايه بس قدر الله و ماشاء فعل ..
أناعارفه إنك بتحبيها أوى زى ماهى بتحبك برده .. الحياة
:)

LAMIA MAHMOUD said...

مش عارفة اواسيكي ولا اقولك قد اية انتي جميلة من جواكي اوي .. اه انتي طيبة

طيبة اوي

Sokomonoce said...

????????????????????????????????????????????????????????????????????????????????????????????????????????????????????????????????????????????????????????????????????????

كل دى اسالة جوانا بس احنا بس اللى ممكن نجاوب عليها
اما الحزن والاسى فدة شيء صعب نحتماه لوحدنا ....اكيد هم كمان شيفينا وبيكونوا معانا واحنا مش عارفين
صديقينى هم ملايكة مش بشر لا يعرفوا يكرهوا او يزعلوا هو مسامح لانه دلوقت بس عرف انك غصب عنك ماكنتيش جانبه
صدقينى هو كمان بيحبك قوى اكثر مما تتصورى
الحزن ممكن يمحى الايام لكن الامل ممكن يدينا فرصة نعوض اللى فات
كملى مشوارك لسة قدامك شوية علشان تروحى معاه الاوان هيجى لكن فى الاوان لا تستعجلى استعدى والامل هو اللى ممكن يساعدك

ربنا يعزى روحك ويصبرك على الفراق يديك امل فى بكرة

طارق مكى said...

مش عارف اقول اية

لاكن انتى واضح انك جميلة من جواكى وطيبة

Blank-Socrate said...

ربنا بس هو اللى ممكن يساعدك تعدى الازمه دى
انا مرت بنفس الظروف قريب و لسه مش قادر اصدق
http://blanksocrate.blogspot.com/2007/02/blog-post.html
مش هاقدر اتلكم اللى عاوز اقوله مكتوب فى اللينك دا

غادة الكاميليا said...

عنتر
أكيد أنت عارف لكن أنا هبدأ فعلا
دعواتك لي

كراكيب
هو الآن يداخلنى كطفل صغيرلن أنساه ولن أحاول لكن سأعيش به أكثر

عز
لأنى أحبه سأفعل

الورده السودة
كنت حاسه انك حاسه بي

عين ضيقه
قصدك خضرة

ماما هبه
أحبك أكثر وأكثر

توتا
أحاول فعلا والبقاء لله وحده

سمباتيك
البقاء لله

بيسوو
بالعكس افهمك واثق فيكى وعندك حق

غادة الكاميليا said...

فيرو وحائر وميمو
البقاء لله


اريسطوو
طيبه لان اشخاص مثلك في حياتى وكلكم طيبين ربنا يخليكم


بياترتس
لأنك تعلمين كل شئ سأكون .....عيشي

كرانيش
هو الآن أغلى من نفسي لن أتخلى عن اعتقادى بوجود روحه معى

human
أعلم جيدا وأشعر به في كل اللحظات

فنجان عزيزتى
وحشتينى فعلا
وأوقن بأن البقاء لله وحده لكنى أحمل صداه بداخلى

لمياء
يكفينى بأن أرى تعليقك لأنى أحبك جدا لأنك طيبه ونقيه أيضا

سوكومنس
البقاء لله
وأعلم أنه ملاك وأنه يحبنى وأعلم أنه ينتظرنى

طارق مكى
اشكرك على اطرائك

بلانك سقراط
ربنا يصبرنا كلنا
البقاء لله وحده

ert3ashat said...

:'(........................................................................................................................:'(

amy lee said...

جميل جدا الي كاتباه ياغاده

وحلو اوي
محمد اخويا ممكن تيجي تاخدني
سعات الواحد بيحس باليأي من الدنيا
ونفسه يروح مع الناس الي بيحبهم

naryoma said...

اتعلمي من الحزن دايما
انك تخرجي بحاجه تفرحي بيها
الناس اللي بتعزيهم دول
استمري في حياتك
وربنا يرحمه ويخليكي ليهم ويخليهم ليكي

صباح said...

الله يرحمنا ويرحم اموات المسلمين جميعا
فين صاحبة المدونه يا جماعه؟؟؟؟؟؟؟؟؟؟؟؟؟؟؟؟؟ انا داخله صدفه كدا لقيت هذا العزاء من مارس وهى كدا الله يصبرك يابنتىويصبر الوالد والوالده
انا عشت هذه الايام والالام ولكن مع فقد الزوج ولكن اشعر بك وكل اللى ااقدر ااقوله مافيش غير الشغل اللى هايطلعك من اللى انتى فيه
وكمان انكتكتبى كل ماتشعرى به....خرجى كل احساسك على الورق.....اصرخى.....ابكى .....انتحرى....قاطعى العالم .............قاطعى الطعام......مزقى الكتب....والاوراق....وفى النهايه اشعلى شمعه لتضىء له قبره
بانك تدعى لك وله ولابويك بالرحمه
كلمى الله فهو خير سميع اطلبى الصبر من الله فهو الصبور (الذين اذا اصابتهم مصيبة قالوا انا لله وانا اليه راجعون اولئك عليهم صلوات من ربهم ورحمة واولئك هم المفلحون)
حبيبتى يمكن يكون كلامى متاخر لكن بصبرك وبصبر نفسى
وان الله مع الصابرين
وياريت اللى يدخل المدونه يقول لغاده انها ترجعلنا ياجماعه
مع تحياتى

صباح said...

سورى يا جماعه اللينك بتاعى كان مكتوب غلط
ان شاء الله هتعرفوا تدخلوا من هنا