Thursday, February 08, 2007

تـرهـات كـثـيـرة

لابد أن يلفنى ذلك الصمت الجريح لابد أن أعتاد الوجع وأن أعتاد
هروبك وبعدك. تغيب الأوجه عنى ولايبقى سوى وجه أمى الحزين
يغيب وجهك في ملامحها ودموعها علىّ ، لم يكن علي أن أخبرها كى
تكف عن تعنيفي في هروبى من الناس كان علي أن أبقي رحيمه بها
لم تغيب ملامحها الحزينه بداخلى تطاردنى في حلمى كماتطاردنى أنت
هي تبكي وأنت تضحك وأنا نائمه تمنيت النوم الأبدي لكنــه لم يأتى
بعد. أخفي وجهى عنها حالما أرى حبيبتى المهاجرة تربت على قلبي
بطهرها ..أتوه بين كل الأوجه ولا أجد غير وجهك
تضحك ثم تبتعد ثم تبكي ثم تغيب
أتمنى أن أرقص التانجو في هدوء وخفه وسرعه وأبكي وأنا أرقص
لكن لن أرقص معك سأكتفي بتخيلك ،أكتفي بتخيل كتفك أريح عليه
رأسي بعد رقصي الطويل معخيالك المتلاشي البعيد ثم تعود لتتركنى أقع
بعد أن أغفو في هدوء
.................................................................
يابنت وحشتينى وأنا لوحدى ومحتجالك ،وحشنى قرطاس الحرنكش
اللي مبقتش أعرف أكله من غيرك ، وحشنى الأيس كريم في عزالبرد
وحشنى ضحكنا في الميكروباص ، وحشتنى النونا وهى سرحانه
أنا عايزة أخرج آكل حرنكش وأكل كوكتيل معاكى تانى ..أنا عايزة
أعزمك على آيس كريم متلج أوى وسنانا تخبط من البرد وبرده ناكله
عايزة أغنى أغانى فيروز وانتى تزعقيلي عايزاكى تقوليلي
ارحمينيييييييييي كفاية فيروز وبرده مبطلش وأغنى لحد متغنى معايا
....................................................................
انعزلت عن جميع الطرق والناس بعدرحيلك ،جاءرحيلك في وقت غير
مناسب أحتاجك أكثر من أي وقت مضى،لم يأتى علي فراق صعب مثل
فراقك أنت وجميلتى التى لايفهمها أحد غيري ...أعلن بياتى الشتوى و
دخولي إلى شرنقتى في غيابك حتى تعودي إليّ
....................................................................
مثلما أتعبنى فراقه وأرهقتنى الطرق والوجوه الغريبه ومثلما لايأتينى
إلا وهويضحك منى كثيرا كأنى تلك الساذجه التى لاتزال تصر على
سذاجتها فأنا سأرهق الأماكن الثابته بسكونى ووجه أمى الحزين لأجلي
بصمتى ، سأنال من سذاجتى وأغفوا قليلا من الوقت
.

21 comments:

بلال حســــنى said...
This comment has been removed by the author.
عنتر بن غلبان said...

كفاية وجع وحزن يا غادة

بوركت

karakib said...

أقدر حزنك كثيرا يا غادة ليس لدي ما أقوله لكي ... فليكن الله في عونك

Anonymous said...

حبيبتي الكاميليا ..


لن أتركك وسأظل احبك أكثر من ذي قبل



فكم اشتقت للأيسكريم الذي حرمت منه أكثر من شهر ..وعندما انتهيت مما يمنعني منه ما عدت اشتاقه وما عاد يستهويني ..

أتعليمين لم ؟؟

لأنني بعيده عنك


طفلتي .. موعدي قد اقترب فهيا جهزي قراطيس الحرنكش واستعدي للمثلجات

وسأظل أحبك في الله مهما ابتعدت وسافرت

بــــ الندىــــرد

shababik said...

الجو بتاع البلوج رهيييب
اغنية فيروز دي والبوست وشوية الندف التلجية اللي نازلة مع غنها خيلتني ف القراية بس شكلها حلو

اااه ميرسي ع التاج سوري مش متابع الايام دي النت بصفة عامة

كائن العزلة الكئيب said...

طلب صغير يا رست تبقى تكبرى الخط و تغيرى اللون عشان الدنيا عندى ضلمة جدا اللونين شبه بعض بس أنا قريت البوست و هو كالعادة معبر عن غادة
صراحة
وجع
محاولة لكتابة شئ ماهوش قصة و لا قصيدة بس لازم نشوف شئ جديد بمعنى شغل ابداعى بجد فيه شغل على التكنيك و الأسلوب مش مجرد صراحات جميلة ( هو صراحات دى صح ) يعنى من الأخر أنا أعرف أنك بتكتبى ابداع و أنك مهتبة بالكتابة الأدبية مش مجرد بلوج للفضفضة و بس
متزعليش منى بس أنا حاسس انه عندك أكتر من كده

كائن العزلة الكئيب said...

على فكرة بتاع الأيس كريم اللى عندكو فى البلد جامد جدا أنا كلت من عنده كتير و ليا ذكريات برضه معاه

بـــ الـنـدى ـــرد said...

حلو .. يا حلو

عين ضيقة said...

أعتقد اننا لما بنصر على الحزن بيمسك فينا اكتر
كفاياكى.. علشانك وعلشان ماما وعلشاننا والله
وبعدين..هو احنا مش هنبقى حتى بنعوضك على ما ندى ترجع
اخص عليكى اخص
لأ اخص عليكى اخص
لأ بجد اخص
أشوفك على خير ان شاء الله

tota said...

غادة
ابدا لن تتوقفى عن لف وتغليف نفسك بدائرة الحزن
حتى فى نثر الثلج تبدين حزينة حتى فى متعتك حزينة
يا عزيزتى كلنا نبحث عن من فقدناه لكنا ابدا لا نغرق فى بئر الحزن ونرفض اى يد تحاول اخراجنا لان الحياة لم ولن تتوقف يجب ان تستمر
انهضى مع اول يد تساعدك وكفاكى مقاومة

تحياتى

بـــ الـنـدى ـــرد said...

كيفك أسماء ؟؟

بياترتس said...

مينفعش أعلق
لما تدخلى على الايميل كلمينى

syzef said...

حلو الحرنكش والايس كريم ده ..علي فكره المشهد ده وكتابته بالعاميه انا شايف انه معمول صح قوي وفي نوع من التجديد وبتفق مع الكائن ان دي كتابه ابداعيه رغم ان احنا مش قادرين نصنفها
نقدر نسميها فضفضه بس ادبيه

عاجبني الجزء ده جدا بكل الصدق اللي فيه ..وعاجبني النهايه ..سانال من سذاجتي واغفو قليلا ..شايف ان فيها نوع من المحاوله للخروج من حالة الوجع اللي كل الناس بتنادي بخروجك منها

عاشقة الوطن said...

غادة الكاميليا

جميل اوى الصورة الروعة
اللى انتى رسمتيها

تحياتى بشدة

كرانيش said...

ازيك يا كاميليا
فيييييييييييييييييييييينك
ندى تتحب بصحيح
مره ندى ومره نهى
انتى بتحبى الاسماء اللى بتنتهى بياء
عالعموم دمتى بود على رأى واحد صاحبنا عامل بيات شتوى برضو

الوردة السوداء said...

وعمال تقوليلى انتى حزينة

بزمتك يابنتى مين فينا اللى حزين

اخرجى بقى من شرنقتك

وله مافى حد يستاهل

اسألينى انا
ياما دقت على الراس طبول

بس عامة جو البوس جميل جدا

كمنجاتي said...

الأنسان عمره ماكان أسير تجربه لازم نجرب ونغلط علشان نتعلم وإلا مايبقاش للحياه معنى
-------------------------------
عموما لسه زى ما أنت بس طبعا فيه تقدما كبير
-------------------------------
أتمنى أشوفك أسن من كدا فى كل حاجه

كمانجه

غادة الكاميليا said...

بيبو
إحساسك صح وبشكرك عليه كمان

عنتر بن غلبان
ادعيلي ياعنتر
أصل الوجع مش بمزاجنا ده قدر

كراكيب
كفايه وجودك كفاية بجد

نـــدى
مستناكي وحشنى الحرنكش

شبابيك
شكلك سقعت المرة الجاية تجيب معاك بالطو
أنا مضمنش نفسي يمكن أعملكم سيول على النت

كائن العزله
عندك حق وهحاول بجد أطلع من مود الفضفضه لمود الكتابه الابداعيه تانى عن قريب ان شاء الله
يبقالك عندنا عزومه ياسيدى اظاهر ان بتاع الايس كريم اتشهر ياجدعان

ندى
انتى أحلى

عين ضيقه
حاضر

تـــوتـــا
هحاول بس لما يكون في حد عايز يساعدنى على بدايات طيبه وجديده مش مجرد محاوله لبعثي كما أنا بجرحى

ندى
انتى كده بقى عليكى كتير التعليقات بفلوس ياماما

بياترتس
طبعا أنا دخلت أنا مقدرش على زعلك ياجميل

سيزيف
يابنى انت مفهمتش الكائن هو بيقول دى مش كتابه ابداعيه دى فضفضه وبينادى انى أبدأ أرجع أكتب ابداع وحلو الحرنكش فعلا على فكرة

عاشقة الوطن
تحياتى برقه

كرانيش
واللي بتنتهى بحرف الراء برضه
مهوأنا وهو متفقين بقى
ودمتى شيدر ياافندمه

الورده السودة
حلو جو البوس ؟؟؟!! يالهوى
شكل التاء وقعت منك وتقصدي البوست مش كده وبعدين أنا نفسي أخرج إيدى على كتفك

غادة الكاميليا said...

كمانجه
أتمنى أنا كمان أشوف نفسي أحسن من كده
انت برده عندك حق بس ساعات التجارب بتأثر بشكل سلبي على حياتنا اللي بتيجى بعدين وهو ده الخوف

تحياتى

غادة الكاميليا said...

بيتا دخلت بيتنا ياجماعه وأنا بعيط منها لله

غادة الكاميليا said...

أنا قلت أقولكم إنى أنا اللي رديت على التعليقات وإنى ياجماعه بأكن أشد الكراهيه للنظام بيتا وبقولها علانية أمامكم جميعا
والراجل بتاع البيتا منه لله