Tuesday, December 05, 2006

اكتشافات جديده

وآدي هاميس عادت ده لو كان في حد قال عودى أصلاً
أول مرة بصراحه أحس إني محتاجه للناس أوى وعالم البلوجرايه بالذات
وده ممكن نعتبره أول اكتشاف ،اكتشفت بقى حاجه حلوة أوى إن أخويه
الأصغر منى بسنتين بس مبيحكليش عن أي حاجه وكل أسراره مع أختى
الأصغر منه ب 5 سنين والتانيه اللي عندها8 سنين جامد أوي الاكتشاف ده
واكتشفت إن أي كلام بقوله لأمى بتروح تدردش فيه مع بابا هو صحيح مش
أسرار بس برده على الأقل أحس بخصوصيه معاها ، ده رغم إن علاقتى ب
بابا قويه جدا بس أنا كده ربنا خلقنى كده ، بس برده اكتشفت ان الواد أحمد
أخويه آخر العنقود بقى بيقولش ليّ يا أبله غادة إلا لما يكون عايز حاجه مني
ومن فترة كدةاكتشفت إن أختى اللي عندها 8 سنين بتستنى تسمع فيروزمعايا
الساعه 6 كويس لقيت حد في البيت بيحب حاجه بحبهالأوبيعملها معاياكمان
أصعب اكتشاف اكتشفته يا جماعه إن كل حاجه بتبعدفي وقت واحدكل شئ
بحبه وكنت مرتبه عليه أحلامى كلها بيبعد لأ وإيه بعد بلا رجعه نهائياً يعنى
البنت صاحبتي اللي كنا اصحاب من أكتر من 7 سنين بعدت كده مرة واحده
مش عارفه ليه ،هو كمان بعدفجأةومش عارفه ليه برده حتى هوّمش عارف
ليه واكتشفت إني محتاجةأوى لبنت من الخمسميت بنت اللي ف القسم بتاعي
تنزل وتندهلي وتسألنى عن اسمي وأسألها ليه تقولي لأنى من أول مبدأنا
دراسه وأناعارفاكى وحبيتك في الله بس مكنتش عارفه اسمك زي معملت
معايا ساره السنه اللي فاتت ، محتاجه أوى لحد يقولي انتى لسه طيبةكمان
على فكرة ياغاده إنتى قلبك جميل أوى ...واكتشفت إنى بتخانق مع أسماء
صاحبتي كتير بس علشان بقت بتيجي متأخرة على المحاضرة وبتستنى في
الكافتريا تفطر معانا وتروح على البيت اكتشفت إنى أناوغادةاللي جوةمش
اصحاب وكل واحده فينا دلوقتي بتخنق على التانيه وبتقتل فيها
إكتشفت بقى إنى مهمشه جداً حتى في حياتي الشخصيه ومهمله تخيلوا؟
اكتشفت إني مليش لازمه
بس على فكرة برده اكتشفت إن ممكن يكون لسه في أمل بس هو فين مش
عارفه محدش شاف أمل معدى قدامه كده ياجماعه؟؟

25 comments:

Diyaa' said...

الأمل موجود
علي الأقل لقيتي مكان تفضفي فيه من غير ما حد يفترض أنك مجنونة
وأكيد في واحدة زي سارة بس مش عارفة اسمك
دوري انتي علي واحدة
أو أقولك
البلوجرية زي ما سميتيهم اكيد فيهم ألف مين يتمني
اصبري انتي بس
وأدعي ربنا
يلا سلام و توقعي خير

karakib said...

اخيرا رجعتي :)
امل ما ماتش مادام احنا عايشين حتي لو ما شفناهوش
هاني جورج

abdallah ahmed , عبدالله احمد said...

حمد لله ع السلامة يا جميل

بوست رائع كالعادة

همس الليل said...

كنت بدخل البلوج بتاعك كل ما اكون موجوده على النت كنت بلاقىالعنكبوت فى الاركان والشبابيك بتخبط من هوا الشتا عشان كنتى نسياهم مفتوحين كنت حاسه البلوج ضلمه ومهجور
ياريتك فعلا من اسكندريه يمكن كنت قدرت اخفف عنك بجد ولو انى انا نفسى فى نفس الحاله بس يمكن لانى مش هاين عليا اسيب حد غيرى يحس بالعذاب دا انا معاكى الفراق صعب جدا والبعد اصعب انما اكيد هيجى يوم ويفتكرنا اشخاص تانين احسن من اللى عدو
متزعليش على اللى فات استنى لسه اللى جاى ان شاء الله احسن مش كلام
يارب تكونى كويسه دايما
:))

Anonymous said...

انتى لسة ايميلك مسروق ولا رجع؟ يا ريت تؤللى عشان ارجعهولك وموضوع حلو مع انى مقرتهوش وسلام

saso said...

حمد لله علي السلامة
اسرارك وحكاياتك مش هتستريحي غير لو حكيتيها لغادة ووافقتك علي قراراتك ..اتخانقي مع اي حد إبعدي عن اي حد الا غادة

لما تتفقي معاها بس هتلقي نفسك وسط صحابك ووسط اخواتك وعارفة انتي عاوزة ايه
اقعدي لوحدك حبة والعبي لعبة صغيرة ايه اللي فيكي صح وايه اللي مش صح هتتفاجئي انتي قد ايه قوية ومانتيش عارفة..وقد اية انتي حلوة من جواكي
ساعتها ممكن تتصالحي مع غادة وتعدي الايام دي وتنسيها

VEЯŎ said...

حمدالله على السلامة

شغف said...

ايه ده ؟ ده ايه اللي راجعها دي ؟
حد قالك عودي يا هاميس و لا حاجة ؟

كان نفسي الاشكال بتاعة الياهو تبقى موجوده هنا ، كنت طلعتلك كام واحد بيطلع لسانه

يلا خيرها في غيرها


و بعد كده مش هانسمح لخيانة الغياب و قفل البلوج دي تاني
فاهمه؟

انتي مادام كتبتي حاجة ، يبقى بقت من حق القراء خلاص ، فمش من حقك تشيليها
و لا انك تقفلي البلوج

هوه مش دكانة هاتقفليها و انتي ماشية

بعد كده يا غادة فيها دبح
فاهماني؟

شغف said...

عقبال فنجان لما تعقل و ترجع هيه كمان
قولي آمين

shababik said...

عاجبني او يالتعليق بتاع شغف هي دكانة صحيح؟؟!
لا هلوة يا شغف
آمييين يا رب ترجع فنجانو هي كل ما تمشي ترجع بنيو لوك لذيذ
ياعني يا غادة مش عارف اقولك ايه ياعني
نشارككم هذا البتاع اللي انتي بتقولي علية ياعني بجد
سلامو عليكووووو

shababik said...

آآآآآآآه صحيح
بجد إرحميني يا بنتي من فيروز
قلبي وجعنييي

... said...

الظاهر حالة التيه مش مرتبطة بسن
يعنى كنت باحس زيك وانا قدك ساعات
بس دة احساس بيروح وييجى
يعنى اطمنى ، وتعايشى معاه
انت برج ايه؟
ماتشغليش بالك بالصحاب كتير
هما هييجوا لوحدهم
ويمكن بردة يمشوا لوحدهم
تمنياتى لك بالامل

21arestoo said...

بسم الله الرحمن الرحيم
نويت اقطع الدنيا

تضامنا مع اخوانا اللي فوق دول
اه بقى هيه دكانة ولا ايه؟


عموما البوست هجبني
بس بطلي بقى تخنقي ع المسكينة اللي جواكي دي

سلامـــــــــــــه said...

انتي لسه طيبه
وعلي فكره يا غاده انتي قلبك جميل قوي

الحالمه بالحريه said...

الامل موجود صدقيني مهما غاب هيجي ويمكن يكون اقرب مما تتخيلي

Anonymous said...

الي غادة ذات القلب الطيب
وحشتيني اوي

tota said...

الجميلة غادة

حبيت اقولك ان احساسك مش غريب احساسك طبيعى جدا

فى جوانا اركان كتير
ركن احنا نعرفه والناس كمان تعرفه عنا وده بيخلينا واضحين لنفسنا ولغيرنا

الا ان فى ركن كمان ضلمة فى شخصياتنا نعرفه عن نفسنا كويس قوى بس بنخبيه عن كل الناس والغريب انه برغم معرفتنا الا انه بيفضل برده مفاجأة لينا لان من كتر ما خبيناه مبقاش من معالم شخصيتنا

وفى ركن كمان الناس تعرفه عننا واحنا منعرفوش لاننا مش بنعرف نشوف نفسنا من كل الزوايا علشان كده مهم الصحاب قوى وده دورهم

ويفضل فكرة واحدة

حنعيش وهنغيب عن الدنيا وفينا حاجات كتير لا احنا ولا غيرنا يعرفها عنا

كل يوم هتكتشفى حاجات جديدة او مش جديدة اعتادى واتأقلمى علشان متحتاريش
وحمدا الله على سلامتك
تحياتى

Anonymous said...

احم
بسم الله الرحمن الرحيم
اذا سمحتى يا اخت شغف انتى و الاخ شبابيك افندى توسعوا كده عشان هنرش مية بعد اذنكوا
هو انا مجنونة يا بنتى انتى وهو عشان اعقل ؟
عموما حمدلله ع السلامة يا غادة بجد .. انتى لسه صغننة يا بنتى ماتعمليش فى نفسك كده مش حيييييييلو علشانك
اسمعى كلام خالتك شغف و ابوكى الحاج شبابيك
:p

بياترتس said...

بصى البوست ده حلو بس بيوجع
ارحمى نفسك بدام اللى حبوكى مش عايزين يرحموكى
ومش لازم تدورى على غاده اللى جوه ولا تصحبيها لو عايزاها بجد يبقى صحبى مامتك .لان هى اللى جوه كل بنت فينا
وسلام ياهميس

Anonymous said...

كفاياكي وجع واعملي زى سيزيف صالحي نفسك
انا شخصيا مش عارفة كلمة امل دى لسه فى القاموس وللا لا لكنى قادرة اخترعها
تحبي تتعلمى
على فكره قلبك لو لون عينيكى حتى هيبقى كويس وعموما هو لحد دلوقتى ابيض بس ياعالم

ياسر شمس الدين said...

امل اتجوزت من زمان
انتى عندك ليها عريس ولا ايه
عيشى حياتك فى الكليه بالطول والعرض لانها حياه مش هتتعوض صدقينى انا نفسى ارجع الكليه شاب منطلق ما بفكرش فى حاجه مزنوق فى اخر اسبوعين قبل الامتحانات انزل الكليه اقعد مع صحابى نزوغ من المحاضرات نروح الهرم نطلع المقطم نروح نسمع درس بتاع شيخ بنحبه نروح نلعب كوره نخرج مع بنات كل حاجه فى الدنيا جميله بتبقى فى الكليه

كرانيش said...

كاميليا انتى صاحيه؟

ماشى
طب اصحى

ايه الاكتشافات اللى انتى اكتشفتيها دى اخواتك دول ليهم الجنه لسه حاسه بيهم دلوقتى يا هانم مهو طبعا ليهم حق
عالعموم انا بحبك يا غاده ومتهيالى كفايه عليكى كده

Anonymous said...

مش لازم بلوج يا حبيبي

غادة الكاميليا said...

آسفه ياجماعه على التأخير في الرد
وصدقونى أنا بحبكم أوى وانتو أكيد عارفين إنى بحبكم
ضيااااا
أنا صابرة أوى على كل حاجه بتحصلي على الرغمإنى متحيرة أوى وبقول بتحصلي ليه بس أهو بتعلم من الدنيا حاجات جديده علي وربنا يجعل كله خير
كراكيب
تعرف اللي كان مصبرنى إنى كنت حاسه إن في ناس لسه مستنيني وكنت حاسه إنك هتكون منهم والأمل فعلا موجود بس أنا محتاجاه فرصه أعرف من جديد
عبد الله أحمد
الرسام اللي لسه مجالبيش فيروز
بهزر معاك طبعا كنت عارفه إنك متابعنى وأنا قافله البلوج وكنت حاسه إنك من أول الناس اللي هيعلقوا
همس الليل cat_eyes
تعرفي لإنى بحبك أوى أتمنيت أكون في اسكندريه اليومين اللي فاتو دول أنا وأعز إنسانه على قلبي وأصصفى مخلوقه عرفتها يعنى كنا هنجيلك تلاته وانتى الرابعه بتاعتنا أكيد ساعتها كنت هنسى وجعي أو هرتاح منه شويه
أنونيموس
لأ رجع شكرا مش عايزة أتعبك معايا
ساسو الجميله
أكيد إنتى عندك مليون حق كل اللي فيها عايزة أكون شجاعه ولو لثانيه وأقرر أكون لوحدى ومن غيروجع وأتكلم مع غادة بقى وأريحها ميرسي إنك هنا
فيرو
الله يسلمك وميرسي انك متابعنى
شغف
لأ مفيشخيانه تانى أنا مش ناويه أقفله تانى أبداً حتى لو هبعد فترة عن أي حاجه هفضل معاكم أنتو قدري يا أختى
شبابيك
موافق؟؟؟
طيب البتاع اللي أنا بقول عليه بيسلم عليك وربنا يبعده عنك بس مقدرش أحرمك من فيروز وانت أكتر العارفين اتحملوا نتيجة خطأكم وصحوبيتكم لي
حلم
أنا؟؟برج الدلو ليه؟؟
وعلى رأي المقوله الشهيرة للأسطوري الخالد سعيد صالح
والرجل الدلو يحب الدلو
أنا عارفه إنى لازم أتعايش مع الموقف ربنا هيعديه على خير إن شاء الله

غادة الكاميليا said...

أريسطوا
علم وسينفذ يا افندم هبطل أخنق أنا ورايا حاجه
سلامه
ربنا يخليك يا ابنى رافع من منعوياتى كده على طول
الحالمه بالحريه
ياريت يكون قريب زي مبتقولي ياريت
إيبيتاف
إنتى اللي وحشتينى جدا وانتى مبتسأليش طيب اوف لاين قوليلي فاكراي بس مش زعلانه منك أنا بس بحبك
توتا
الجميله جدا جدا جدا

ويفضل فكرة واحدة
حنعيش وهنغيب عن الدنيا وفينا حاجات كتير لا احنا ولا غيرنا يعرفها عنا

عندك حق وعندكأحق في الركن الضلمه اللي محدش يعرفه وعندك حق في الصحاب هما أكتر حد ممكن يحسنا أكيد هكون كويسه بيهم وبيكوا وبيكي

فنجان قهوة
سمدالله على حلامتنا احنا التنين
وعموا أمى شغف وأبويه الحج شبابيك واخدين بالهم منى المهم تنت فنجان حبيبتي هنا هجيبلك شوكولاته في الخباثه هدية رجوعي وأهو عايشين وبنتعلم
رووووووووح
وحشتيني فاهماكي بس إنتى عارف إنه مينفعش أومش قادرة
حتى ماما انتى عارفه احنا صحاب قد ايه بس خايفه أوجعها بوجعي كفايه وجعي أنا أتحمل
وجع
أهلا يا حلوة ماشي يا ستى سيحيلس لون عينى؟؟طيب يابشر المهم عندك حق
ياسر شمس الدين
اسمك حلو أوى على فكرة
وبعدين أمل تتجوز ازاي من ورايا شكلك انت اللي اتجوزتها ماشي على فكرة أنا هحاول أعمل كده هعيش حياتى مدام مبقتش حياتى فارقه عند حد مدام بقيت عاديه
كرانيش
انتى هتزليني يابت كفايه كده عليكي؟؟؟!يا حلوة حد يوسع البت دي
أريسطوا
إنت ابن مين يابابا ؟؟؟
هههههههههههه