Monday, November 20, 2006

ترنيمة الرحيل الأخير ...ربما

ربما لم يعد لدي الحق في أي اختيار لكن هناك بالطبع بدايات جديده بعد
كل ما حدث ،،، انتظرتك طويلا لكنك أعلنت رفضك النهائي ما زلت
في حاجه إليك لكنى الآن اقتنعت بأنك لم تعرف طريقا صحيحا تجتازه
لقلبي ربما لم تعرف كيف تحبنى أو ربما للأسف لم تحبنى أصلا
حبيبي ... لم يكن أبداً خطأي بأن جعلنى الله من الطيبين
هكذا نهرتنى "لاتكونى طيبه" ربما أنا التى أخطأت الطريق إليك

12 comments:

abdallah ahmed , عبدالله احمد said...

please كفاية حزن
رسمتلك فيروز زي ماطلبتي
ابعتهالك ازاي؟

Ezz said...

معذرة سيدتي.. لم أنسى و كيف أنسى.. الطيبة..الدرجة الأخيرة ما قبل الولوج لجنة الله.. و الطيبات للطيبين.. نفسي أكتبلك على الأيميل ممكن.. و أبني كان عيان شوية بس بجد بيسلم عليكي.. هو ما يعرفكيش بس قولتله أبله غادة بتسلم عليكي رد علي و قال: الله يثلمها!!

Diyaa' said...

احتفظي بالطيبة
بس هذبيها شوية ..يعني اعمليلها عملية تحصين من أنها تخسرك في أي موقف من المواقف وتخليكي حزينة كده
أرجوكي حاولي تبقي أقوي مهما كان تعبك عشان التوازي اللي حصل ده مش يأذيكي
بتمنالك الخير وبدعيلك بالنية من غير ما أعرف أسمك والله

Anonymous said...

سلمت يمينك يا أطيب طيبه عرفتها ..

جميل ما كتبتي ..

...هي دي غادة ..اياك تتغيري تاني...

Ahmed Rashwan said...

التوازي يحمي ما تبقى منا
نقاط الالتقاء دُمرت
لم يعد سوى ذكريات بعيدة
واصداء
نحاول أن نكون نحن
ولكن كثيرا ماتذهب المحاولات هباء

tota said...

العزيزة غادة الكاميليا

تلك التجربة لا ينبع منها سوى قسوة اكثر على النفس قد تكون سوء اختيار او اندفاع او رغبة فى الحب لكنها ابدا لم تكن طيبة
من يملك المشاعر ويوجهها ويطلقها ويتمتع بها ويعيش معها هو كائن مرهف رقيق يملك العطاء فلا تحزنى انك لم تجدى من يملك ليعطيكى يوماما سوف تثابين ببحر عطاء لكن اشفى وابرئى حتى تدركى وتتقبلى هذه المشاعر

تحياتى

بياترتس said...

فى عالمنا
ده شئ طبيعى
منى ليكى

Darweshe said...

ازيك غادة فعلا الطيبين للطيبات
تحياتى الطيبة شئ جميل بس مش قوى فى زمان ده للاسف

Tamer Nabil Moussa said...

طبعا كالعادة ياغادة

سرد رائع

وكلام منسق ومعبر بجد

تحياتى

shababik said...

اانا قلت لك واضح جدا انك بداتي تقفي علي رجلك وتشوفي الاشياء من غير الضباب الي كان عليها والوعي بدا يتسلل لكتابتك بطريقة واضحة
حتي البوست مختلف لحد ما عن اللي قبلة والي قبله
والسلام عليكم ورحمة الله وبركاته

maged stephen said...

الحب هو قمة المقدرة على الضعف تجاه الاخر
هذا هو تعريفى للحب وأؤمن به جدا
فما رأيك؟؟

غادة الكاميليا said...

عبدالله أحمد
الفنان العظيم بجد أنا الحزن بقى داء ومش لاقياله دوى هى دى مشكلتى
ميرسي انك نفذتلى طلبي
عز
فينك ياعز من زمان وانت غايب ابنك وحنى سلملي عليه أوى وألف سلامه عليه
ضياااا
الله يخليك بس الطيبه هى سبب اللى بيحصلي بس مهما حصل عمري مهتنازل عنها واسمي هو لقبي على المدونه على فكرة يعنى غاده
أنونيموس
ماشي ياستى الجميله بس لما اشوفك متنسيش العزومه مش هنتنازل عنها أبدا
فيلم69
فعلا كل المحاولات تذهب هباء فلا نكن نحن أبداً ولا نستعيد ماكنا عليه من قبل
الغاليه توتا
ياريت أقدر أتقبل أي مشاعر جديده للأسف أغلقت على نفسي باب من الذكريات ولن أدع أحد يفتحه ويخرجنى منه أبدا
روح
مصدقاكى
تامر
ربنا يخليك بس هو احساس أكتر منه سرد
شبابيك
وعليكم السلام ورحمة الله عندك حق أنا تقريبا قررت أحاول أشوف الأشياء صح
منور ياباشا
ماجد ستيفن
وأنا مريت بأقسى لحظات ضعفي
للاسف الحب فعلا بيخلينا ضعفا جدا بس أنا عمري مفضلت الضعف