Thursday, November 02, 2006

أول يـــوم مـــطر .....زيادة الوجع

عندما قررت أن أريح عينى بعض الوقت من البكاء وأنام علّى أحلم بك
سمعت ضربات خفيفه على أوراق الشجرة التى تعانق بلكونة غرفتى
فتحت زجاج الشرفه وجدته بدأ خفيفا ثم أخذ يزداد - المطر ؟ لكنى وحدى
وقتها أحسست ببروده شديده لم أشعرها في يوم مطر من قبل
تذكرتُ الجميله أبلغتها أنه المطر يزداد طلبَتْ أن أدعي لها فدعوت لها من
قلبي ودعوت لك قررت أن أبعث إليك كلماتى علّك تحتضنها فأشعربالدفئ
انقطع النور ففرحت أكثرقررت الصعودإلى المكان الذي تعرفه عندماتمطر
السماء انتظرتك لكنك لم تأتى ولم تحتضن كلماتى فتسللت إلى قلبي بروده
أشد وأقسى وقتها عانقَتْ دموع السماء دموعى ورحنا نبكى معا، كلماازددت
ازدادت بكاء منذ فارقتنى وأنا أرتدى عبائتى البيضاء وعندماصعدت هناك لم
أشعرإلابالخوف والبرد،أمس كنت وحدى واليوم وحدى وغداًسأكون وحدى
علىّ الآن أن أترك أحلامى التى أخذتها معك وأبحث عن أحلام جديد
ياحبيبي الوحدة قتلتنى لكن لاسبيل للدفئ

21 comments:

21arestoo said...

من ظن بأن جهنم تصنعها النار فحسب
فلقد أخطأ
فجهنم من ثلج الوحدة
.........

مجرد نصيحة

همس الليل said...

ابكى كتير خرجى الحزن العمر قصير وفى اوجاع كتير لسة منتظرانا

كرانيش said...

لا سبيل للدفء؟
معقوله يا كاميليا؟
لا طبعا فى سبل كتير للدفء لما تكونى معانا مش بتحسى بالدفء
لما بتقراى شعر مش بتحسى بالدفء؟
لما بتقراى جوابات نهى مش بتحسى بالدفء؟
عالعموم انا ممكن اجيبلك دفايه

بعدك على بالى said...

اتفق و بشدة مع ارسطو فالوحدة جهنم واكم قتلتهم الوحدة ولاتزال، فاكسرى طوقها ، انثرى ماتبقى داخلك من غبار الحزن وعودى لنا قوية جميلة كقطرة ندى ن عودى كما عهدتك من قبل و سأصر على استعادتك

شغف said...

يا تعليقاتك الجامدة يا أريسطو


اما انتي يا روحي

ف
" وحدي ... ثم وحدي ... ثم وحدي
مرحبا يا وحدي"

و زي ما قلت لك قبل كده ، لو استمديتي القوة و الدفء من جواكي ، ده هيشعل آلاف الدفايات الصغيرة من حولك

و أولها دفائته

و اعلمي انه يستدفيء بالخوف و يشتعل داخله ذات البرد ، لكنه ليس بجراة التخفف منه أو الافصاح كما فعلتي


بكرة الزمان يسمح يا جميلة
بس ما تستعجلهوش

كرانيش said...

هو مين ده يا شغف؟؟؟

عنتر بن غلبان said...

يابنت الايييييييييييييه
على رأي درويش
"من انتظرت امام الباب اولى بالدموع
وبخيبة الأمل
المحارب لم يعد
أو لن يعود"

.............

وأنا والله ما حدا نطرني

أحلى أغاني فيروز من أحلى غادة

بوركت

abdallah ahmed , عبدالله احمد said...

نص جميل جداو حقيقي علي بداية الشتا

غادة الكاميليا said...

لحظة ميلاد الفرح كان في حبيب رايح
لكل الناس
ارسطو
عارفه جدا والبرد هيقتلنى
كات _آيز
مش مستحمله الوجع ده هستحمل غيره ازاي
كرانيش
اما انتى رايقه صحيح
بعدك على بالي
وحشتينى ونفسي تحضنينى اوى وتطبطبي على ضهري وتقوليلي معلش الحزن يمكن يعدى
شغف
هو قدر ونصيب والله اعلم هقدر استدفئ تانى ولا هفضل بردانه كده على طول
كرانيش
انتى بنت مين يا حلوة
عنتر الغلبان
فينك يا عم طيب هو نقدر نقول فيروزعبرت أحسن منى عن نفسي هي على طول كده أعملها إيه بس
عبد الله أحمد
عايزة أشكرك من قلبي إنك متابعنى ومنقطعتش عنى من أول وجعي حتى وأنا مبردش على التعليقات شكراً بجد

syzef said...

(اخرج من دايرة هوّ وهيّ ....ودووووووور ف دواير نفسك)
ياهلا..بالمطر..بالبرد...بالوحدة
...................................
عجبني جدا محاولات الدفئ معاه ومعاها..بس الاول لازم مع نفسك...بتفق مع شغف جدا

Ahmed Rashwan said...

فليغسل المطر أررواحنا
ويطهر البكاء عيوننا
ولكن
لن يطول البكاء ، ولن تستمر الوحدة
بكرة جاي
أكييييد
بكرة تقولي أحمد قال لي :)
تحياتي

maged stephen said...

يا همسة الفراشات
على قلبى كده كفاية

توهة said...

ياستى شكرا
ثانيا بقه دموع المطر بتبقى فرحه جايه وجايبه الخير معاها
محدش عارف نتيجة احتضانها ليكى دى معناها ايه غيرها
وبعدين مانتى طلعتى نقيه اهو امال ايه بقى

كروان

Anonymous said...

حسيت بالبرودة وانا بقرأ الكلام
احساسك جميل
كنت بسلم عليكي

تامر العفيفي

abdallah ahmed , عبدالله احمد said...

مش عارف بس انا نفسي الدنيا تمطر النهاردة


بس من غير ما ده يسببلك اي حزن
او يسببلي انا اكتئاب

tota said...

غادة الكاميليا
بين رقة الكلمات يكمن الحزن قد تمتزج دموعك وودموع السماء فى تلاحم وتزامن حزين
قد يكون الحلم احيانا ملاذا من الوحدة ولكن ابدا تظل الذكريات فى اليقظة تعصف كلما بدأ المطر يهطل
يصنع بحيرات من الماء تظل شاهدة على الوحدة التى هى شاهد على الحب

تحياتى على رقة الكلمات

ابن مرّ said...

مررت من هنا
تحية أيها الشجن

محمد أبو زيد said...

لا سبيل للدفء

جميل يا غادة

abdallah ahmed , عبدالله احمد said...

غادة hello
رسمتلك فيروز زي ماطلبتي
ابعتهالك ازاي؟

Diyaa' said...

رغم كل الزعل اللي بيطلع ده ...بس حابب أقول أني بحب أوي كلامك وأسلوبك
بجد بحس بحاجة حلوة
مش عارف ايه هيا ..بس عايز أقولك حاجة ..انك هتخرجي منها قريب متخافيش ..كونك بتكتبي هنا ده نوع من أنواع التفريغ ..كونك حسيتي أن في حد بيحاول يفهمك ولو بتعليق ..
بإذن الله ربنا هيفرجها من عنده
بحييكي علي قدرتك في التعبير و الفضفضة
نفسي أبقي زيك وزي ناس بيقدروا يخرجوا مشاعرهم مهما كانت صعبة ويعبروا عنها
عايز أسمع أخبار عن اختفاء الوجع

abdallah ahmed , عبدالله احمد said...

abooood@mail.com