بستسلم
وف لحظة ضعف
باختار لها موته
يا تموت على كف إيديه
يا تموت مع شمس المغرب
ماهى دايما كت تستنى الواد المغرب
على أول ناصية غُنا بتحوّد
تلقاه مستنى وحاضن كف إيديه بإيديه
إتأخرتى/
ـ السكة بعيدة
والحلم الساكن قلبي كبير
معرفتش أنط مسافة الحلم لوحدى
فجيبته وجيت
بستغرب
لما ألاقيه بيحنى إيديها ببوسه
ويتبت على كف إيديها في حضنه
كت فاكراه بيتبت ع الحلم
أتاريه بيتبت على وجعه
وبينقش جواها ملامح موت هيعلّم
بيسيبها
على ناصية شمس بتتكسر وقت الموت
ويفارق ويّا ملامح بكرة
والشجرة الــ كانت تشرب من حكاويهم
بتشيخ
من كتر ماكت تستنى معاها
بتصعّب
على حال البنت المستنيه الواد
والواد الغايب مبيرجعش
فبتتعلم تتهجى الليل بسجاير سرقه
وتشكل بالدخانه ملامحه
وتقرب
فيغيب
فتقرر تحرق كف إيديها المتحنى بريحته
يلسعها رماد الحلم
ويتبت جواها الـ....واد
ـ/الموت
ـ /الحلم المهزوم
فبترقص
وتغنى حزاينى
وتدخن سرقه
بتحاول تحلم بنهار بتصبح فيه الشمس عليها
والشمس هناك وياه ورافضها
مهو واخد ضي الشمس معاه
بتحاول ترسم نجمة بتلمع جوّه الليل الغامق
فالعتمة بتتلون بنجوم بهتانه
فمعدش بيفرق ويّاها الليل م الضي
...............................................
ملعونة البنت اللي مابين شفايفها سجاير سرقه
ملعونه اللـسّاها بتحمل ريحة الواد
ملعون الواد
السايب كل ملامحه بتغزل جرح
.................................
سيبالها التفاصيل حكايات
بتغنيها بناي مشروخ
وبتضحك على جرح الصوت المخنوق بعياط
فبيتلاقى البكا والضحك
فبترقص
وتغنى حزاينى
وتدخن سرقه
والحلم الساكن قلبي كبير
معرفتش أنط مسافة الحلم لوحدى
فجيبته وجيت
بستغرب
لما ألاقيه بيحنى إيديها ببوسه
ويتبت على كف إيديها في حضنه
كت فاكراه بيتبت ع الحلم
أتاريه بيتبت على وجعه
وبينقش جواها ملامح موت هيعلّم
بيسيبها
على ناصية شمس بتتكسر وقت الموت
ويفارق ويّا ملامح بكرة
والشجرة الــ كانت تشرب من حكاويهم
بتشيخ
من كتر ماكت تستنى معاها
بتصعّب
على حال البنت المستنيه الواد
والواد الغايب مبيرجعش
فبتتعلم تتهجى الليل بسجاير سرقه
وتشكل بالدخانه ملامحه
وتقرب
فيغيب
فتقرر تحرق كف إيديها المتحنى بريحته
يلسعها رماد الحلم
ويتبت جواها الـ....واد
ـ/الموت
ـ /الحلم المهزوم
فبترقص
وتغنى حزاينى
وتدخن سرقه
بتحاول تحلم بنهار بتصبح فيه الشمس عليها
والشمس هناك وياه ورافضها
مهو واخد ضي الشمس معاه
بتحاول ترسم نجمة بتلمع جوّه الليل الغامق
فالعتمة بتتلون بنجوم بهتانه
فمعدش بيفرق ويّاها الليل م الضي
...............................................
ملعونة البنت اللي مابين شفايفها سجاير سرقه
ملعونه اللـسّاها بتحمل ريحة الواد
ملعون الواد
السايب كل ملامحه بتغزل جرح
.................................
سيبالها التفاصيل حكايات
بتغنيها بناي مشروخ
وبتضحك على جرح الصوت المخنوق بعياط
فبيتلاقى البكا والضحك
فبترقص
وتغنى حزاينى
وتدخن سرقه
غادة عاطف
يونيو 2007
19 comments:
جميلة جدا القصيدة
بس شايف المقطع :
" ملعونة البنت اللي مابين شفايفها سجاير سرقه
ملعونه اللـسّاها بتحمل ريحة الواد
ملعون الواد
السايب كل ملامحه بتغزل جرح "
مش في نفس جمال باقي القصيدة
و متهيألي القصيدة أجمل من غيره
تحياتي
هي عايزة لسه شغل كتير
بس محاولة جميلة جدا :)
احييكي واكملي ما بدأت
وزينيه
تحياتي لك من ماناساس البلد
فبيتلاقى البكا والضحك
فبترقص
وتغنى حزاينى
وتدخن سرقه
جميل جدا تداخل حالة الضحك والبكاوالرقص والحزن شئ من اللاوعى عند البنت مع الوعى التام بكل مفردات القصيده
حاله مش اى حد يمسكها
للامام ياسندريلا العاميه
وافتكرى انا اول واحد اطلق عليكى هذا اللقب
وياريت الحاله تخرج منك وندور على حاله جديده ف اى مكان
زورينى وبلاش بخل
المخلص دائما البدوى الاخرس
جميل جدا يا غادة
نفس الملاحظة السابقة من استخدام بحر غير مستخدم بكثرة للعامية
بس الملاحظة التانية هي الموسيقى الداخلية اللي بتشكلها طريقة بناء المشهد من مجموعة الصور مع غياب التقفية
ودا مشوفتوش كتير في العامية للأمانة بس جميل
أكثر ما أعجبني
(والواد الغايب مبيرجعش
فبتتعلم تتهجى الليل بسجاير سرقه
وتشكل بالدخانه ملامحه
وتقرب
فيغيب
فتقرر تحرق كف إيديها المتحنى بريحته
يلسعها رماد الحلم
ويتبت جواها الـ....واد
ـ/الموت
ـ /الحلم المهزوم
فبترقص
وتغنى حزاينى
وتدخن سرقه )
دومي بخير
طيب، اسمحي لي ف الأول اتفاجئ ، لأن مش كل من كانت كتابته حلوة، بيكتب شعر حلو، كا الذي قرأت توًا ، واااضح إن موهبتك في التشكل جدًا ، ثم أتفق مع من سبقني (حلو من سبقني دي ) لا سيمـــا الشاعر محمد بيه قرنة، ..... مممممممم
أيضًا العنوان مش عاجبني حبـة !
.
.
بس القصيدة فيها حتت كثييير حلوة عالية الإحساس أيضًا
.
ملحوظة صغنونة
أعشر إن غادة عاطف أحلى :)
تحياتي
كمان لوحـة إيمان المالكي تحفـة
تحياتي :)
ماكنش العشم يا غادة ابدتن! سجاير..في الفصل...
سيبك إنتي الصورة المكتوبة جميلة..والله شكلك ممكن تكوني شاعرة...
المهم كيفك أنتي... عن جد مفتقد زيارة مدونتك.. عودنا و العود أحمد...
ممكن سيجارة مارلبورو من علبة روثمان!!!!
سجاير...في الفصل...و سرقة...شوية و تقولي إنك بتروحي تدخنيها في الحمام...!!!!
لكِ وحشة يا ست البنات!!
عز
أتفق مع إبراهيم في نقطتين
اللوحة وهمية
والعنوان مش عاجبني
تحياتي
أنا كتبت تعليق كبيييييييييييير واتخطف ياجماعه يلا كلاكيت تانى مرة
عمرو عزت
أولا : سعيدة جدا بزيارتك ياافندم
ثانيا ميرسي جدا ان القصيدة عجبتك
ورأيك مأخوذ في الاعتبار طبعا
نورني وجودك جدا
the groom
ان شاء الله
بس دى مش محاولة لانى بكتب من اعدادى
انا بس كتبه الايبل كده لانى اول مرة انزل شعر على البلوج
أمتعنى انها أعجبتك
نورتنى
البدوى الأخرس
نورنى وجودك وتعليقك ياافندم وهحاول أدور على حالة جديدة بدل النكد ده المهم منتظرين ابدعاتك
متقطعش الزيارة وطمنا عليك
محمد قرنه
ياااااه أخيرا ياافندم ده انا من ساعة ما القصيدة نزلت ونحن في انتظار تشريفك
أمتعنى انها أعجبتك مشكلتى بقى بقت في العناوين فعلا لانى مبقتش بحاول أدور على عناوين وأجهد نفسي زى زمان يمكن ملل أو خلل عقلي معرفش
أما بالنسبة للصورة فهي بالنسبه لي تعبير عن حالة التخفي فوق السطح لممارسة الغياب التدخينى في النص
نورتنى جدا يامحمد
ابراهيم ....معاك
ياهلا بها الجو
البلوج وصاحبته تحت امر سيادتك مش عاجبك العنوان نغيره وماله دى اللغه ثريه جدا واحنا ورانا ايه ههههههه
زيارتك تزيدنى بهجة ياافندم
اللوحة مثلما سبق تعليقي على محمد هى تلخيص حالة طبعا دي رؤيتى الخاصة
نورت البلوج وصاحبته ياافندم
Ezz
ممممممممممم ايه التسييح ده هههههههههه ياافندم انا أعمل كده برضوا دي البنت اللى فوق هناك دى
الك وحشه خيي الله لايحرمنا طلتك
نورتنى
غادة
انكتب علينا ان سجايرنا تبجى واحدة
الحب ولع فى الدرة يا غادة
تسلم إيديكى ياقمر
انتى عارفة ان القصيدة عالية معايا جدا
وان شاء الله كل قصيدة تكون حلوة كده واحسن كمان
على فكرة
الواد بيحبك جدا
أو زى ماقالك
بيحبك فعلا
ههههههههههه
سلام بقى
حلوة القصيدة جدا
بس فيه مقاطع شدتنى اكتر من التانية
وعلى فكرة صحيح السجاير مضرة بالصحة
بس ساعات الحب بيكون مضر اكتر منها
تحياتى
بصي بقي
انا واحد من الناس خجبني العنوان جدا جدا جدا
.
.
.
طبعا من غير الكلام علي اللوحة لانها روعه وسبهك علي فكرة
.
.
ثانيا القصيدة غجباني جدا
وحاسس ان فيها كم احساس عالي جدا جدا
.
.
ودا اللي بيكون بديل عن الموسيقي العالية في الوزن والقافية
لان الوزن فعلا صعب علي العامية
.
.
.
بالاضافة لفكرة الجديدة او يمكن اللي انا شايفها جديدة هروبا من النقاد
تصويرك هايل جدا
.
.
مش فاهم ياعني انت ممكن تكوني شاعرة دي
الجملة دي بصراحه غيظاني
.
.
لان اي واحد عنده القدرة علي ابتكار جملة تعبيرية جميلة
هو شاعر
.
.
الاهم اني باشوف غادة من جواها
.
.
تحياتي يا جميل
.
.
وعقبال الجديد
تحياتي والسلام
وتغنى حزاينى
وتدخن سرقه
الظاهر انه انكتب علينا
ندخن سرقه
ونضحك سرقه
ونحزن حتى سرقه
دمتى مبدعه
يا
بت يا غاده
وردتي السودا
L vie en rose , l vie en cigarrie
terararam
صباح الدخان ايه الفضايح دي ياسوسو
هجطعك
عين ضيقة
تسلم ايدي دي بتفكرنى بصنية البسبوسه بصراحة
المهم بما ان القصيدة عجباكى كده اتفضلي واحدة فويسروي
هههههههههههههه
شاب مصري مفروس
ميرسي على مرورك وميرسي انها عجبتك وبجد عندك حق الحب كتير بيكون مضر بالصحة أكتر من السجاير
شرفتنى
آدم بيك المصري
ياهلا بها الطول
.
ياافندم أشكحتنى ان العنوان عجبك أول واحد بجواري
.
دايما بيمتعنى ان شغلي في القصايد بالذات يعجب الناس
ان الصورة حلوة ده حقيقي لكن انها شبهي انت كده بتوهم الناس يا آدم
ده أنا على كده حلوة بقى وأنا معرفشي ؟؟؟؟؟
المهم نورتنى فعلا وفعلاأي شخص عنده القدرة انه يبدع جملة شعرية فهو شاعر
.
انك تشوف غادة من جوة ...دى بقى شكلي اتسيحلى انى بشرب سجاير وأنا أصلا بتخنق من ريحتها والله ههههههههه تاخدش إل إم بيضه لايت
ههههههههههههههه
... طلب أخير منك صلح جهازك أو ايميلك مفيش كلمة بكتبها وبتوصلك
.................
نورتنى
كرانيييييييش هانم
ألا ألا ألا هو احنا فينا من بت هههههه احنا مش قلنا الاتحاد قوة بردوا ليه طولة اللسان بقى ههههههههه
احنا ياحبيبتي انكتب علينا نعمل كل حاجة سرقة
ههههههههههههههههه
هيعملولنا سجن انفرادي يلمنا قريب على طرة يابنات
صباح الخيرات
و يأتي الجميع و يرحلون
و يبقى الشعر
نص يستحق
جميله قوي القصيده دي
Post a Comment