هناك مالايمكن تفسيره
أن تكن مضطربا وأنت تكتب أن تجتر الكلمات بالموسيقى أو استدعاء الدخان
أو حتى بالذكريات التى لاعلاقة لهابالألم أو الفقد أو الهروب ، هى بالعكــس
ذكريات طفولة ، أوراق قديمة لأول قصيدة ، وتاريخ أول يوم أصبحت لــك
فيه حجرتك الخاصة وأوراقـك وأقلامك الملونه ،البكاء على كشكول الرسم
لأن الألوان ترفضك تماماًثم فرحك عندما تخط نفس الأقلام بدايات قـصصك
وأشـعارك ، لـكن أن تجـيد رسم الوجوه بالسحاب هي أروع الذكريات
الشمس لها معك حكايا أيضاً
...............................
بنت بضفيرة بتقعدعلى المصطبة قدام البيت القديم والكبير البيت الواسع اللي
محبتش البيت الجديد بسببه ،هو مكنش البيت القديم بتاعها صحيح وكان بتاع
خالتها لكن هي مكانتش بتقعد في بيتهم زى ما كانت بتقعد هنا وتلعب علشان
كده يوم ما بنوا البيت الجديد سابتهم ومعادتش بتقعد هناك وفضلت تطلع فوق
سطح بيتهم البعيد عن الناس علشــان تشوف الزرع الأخضر والنخل البعيـد
وتنزل في الجنينه الصغيرة اللى كانت قدام بيتهم علشان تقلم الورد مع باباها
أو علشان تقـطف رمان وخوخ لسه مستواش ، بس كلهم كانوا متفقين تقريبا
انهم ياخدوامنها ريحة التراب والزرع صحيح مش بتكره بيتهم بعدما قطعوا
منه الورد وقطعوا شجرالرمان والخوخ وتكعيبةالعنب الكبيرة اللى بكت لما
كانوا بيقطعوها لكن معادتش بتحبه زى زمان ، وصحيح هما دلوقتى عاملين
في بيتهم جنينه صغيرة خالص فـيهـا ورد كتير لكن الورد زعلان من زمـان
فمش بيطلع غير وردة حمرة واحدة كل سنه ، التراب اللى في الجنينة مش
زى تراب الجنينه الكبيرة زمان ،دلوقتي كل حاجة بقيت جامدة ومش بتحس
نفس احساسها معاها زمان معدش في حدبيضحك في وش حد الصبح،الناس
بتتخانق على طول او مكشرين طول الوقت ولو ضحكوا بيضحكوا علــى
كلام مبيعجبهاش
..........................................................
الناس يقولون عنها علناً أنهـا مجنونة ، والرجل الذي يمر أسفل شرفتهاويسمع
.أغانى فيروز أو موسيقى عالية يقول بصوته العالى اللهم أشفيها
"انتى بتحبي ايه "
"بحب حركة صوابع عمر خيرت على البيانوا الكبير الأسود "
طيب بتحبي مين
أنا بحب أبص للسما بالليل وأطلع فوق السطح أشغل عمر خيرت وأرقص"
"أو فيروز وأعيط
هههههههههههههههههه
" بلاش ضحك محدش بيشوفنى وأنا برقص "
مدرس الإنجليزى الذي كتب لكِ قصيدة ووضع أسفلها حرفك وحرفه بشكل
تمثيلي متداخلا في بعضه لم تفهميه وقتها ويوم زواج مدرسك منذ قليل بصديقة
قديمة اكتشفتِ لغزالحرفين المتداخلين فضحكتِ،يوم سألك عن أحلامك متوقعا
بيت وأطفال وزوج ربما تخيل نفسه هوالزوج تراجع مهزوماعندما قلتِ السفر
والبحروالكتب والعمل ومطرباريس
المدرس يقول لكِ إذ قابلك صدفة ، هل لازلت كما أنت أم ازددت جنونا
...
رغم أن البنت التي كانت صديقتي يوما زارتنى في الأحلام كثيرا تضحك
معي ، لكنها ظلت خارج الحلم تتلاشانى فلم تعد تعنيني لكن ربما يجب
أن أقول أنها أحيانا كانت طيبه وأحياناً كانت جميلة وربما لازلت أحتفظ
لها بضحكة
" انتِ بتحبي إيه"
"أنا بحب عمر خيرت لما بيلمس البيانو برقة وعشق "
" أنا حلمت بعمرخيرت النهاردةكان بيعلمنى أعزف على البيانوبس في
"الحلم قلت له أنابحب أعزف على الكمان
" وعمل ايه"
" قالي خلاص أنا هعزفلك مقطوعة باسمك وانتِ اسمعيني"
"وبعدين "
كنت قاعدة على كرسي ناعم لونه أزرق ولما عزف كان بيعزف"
"العرافة والعطور الساحرة
" يعنى إيه"
دى مقطوعة مش باسمي زى ماقال بس أنا بحبها لكن لما قلتله ان"
" دى العرافة قالي انت العرافة
" وده حلو يعنى "
" أنا مبسوطة وخلاص قالي انه هيعزفلى مقطوعة تانيه مرة تانيه "
" امتى ؟؟؟"
"ههههههههههههههه الحلم الجاى طبعاً "
