Thursday, May 18, 2006

وشوشـــــــــــــــه

مهما يحاولوا يطفوا الشمس
مهما يزيدوا علينا الهمس
مهما يقولوا..مهما يعيدوا
انت ف قلبي انت وبس
كل كلامهم مش هيأثر
وأنا ولا هبعد ولا هتغير
يمكن حتى هقرب أكتر
مهما يحاولوا الناس بالعكس
لمحتني أردد هذه الغنوة ، فلتكن أنت وحدك نقطة القوة التي أمتلكها
ولتشبك أصابعك بأصابعي حتى يعانق لحنك كلماتي،اقترب مني
أكثر ..دقق النظر إلى عيني ، لملم منها الحلم الأخضر واغرس
حزنك فيهما ، ولتهدهد على شعري بكفيك ..ولتجعلني طفلتك النائمه
على كتفك ... حبيبي
لتصبح أنت كل ما تبقى لي من الحلم

15 comments:

karakib said...

رومانسيه حالمه
جميل اوي الاحساس ده
كلام ي>يب القلب
انتوك

Anonymous said...

شو موضوع الاغانى اللى مبهدلة فى البشر دى؟
الاغانى مابتحلاش الا ايام الامتحانات
غاده
عاوزة اقولك دى من احلى ما قرأت ليكى رغم بساطتها و فكرتها المستهلكة جدا
لكن فيها رؤية رومانسية متفردة
احسنتى يا بنت

مأمون المغازي said...

جميل جدً ربط الغنوة بهذه الحالة الرومانسية الجياشة
من الاضح فيها صدقها وواقعيتها المفرطة
تحياتي

هراءات منطقية said...

حلو جدا الجزء بتاع(أمتلكهاولتشبك أصابعك بأصابعي حتى يعانق لحنك كلماتي،اقترب منيأكثر ..دقق النظر إلى عيني ، لملم منها الحلم الأخضر واغرس حزنك فيهما)

رائعة

بالمناسبة...أنا من عشاق الأغنية دى

mariamagdolen said...

حلوة اوى يا غادة
بجد خادتنى بعيد اوى
وحساها زغم انها بسيطة
بجد بحبك وبس

عوليس said...

محبتش الاغنيه بس حبيت تعليقك عليها

هوميروس said...

ايه الحكاية دى بقي كل مدونة اكتر رومانسية من التانية
بس مش عارف مسألة الاغاني دي بتعملي قلق شوية يمكن عشان هي بتعمل حالة لوحدها او لان الواحدسمعها مرة وعارفها بتبقي قديمة بالنسبة لي
المهم كلامك حلو

Misho said...

"ولتجعلني طفلتك النائمه
على كتفك ... حبيبي"

kalam gamil
kalam ma32ool
ma2darsh a2ool 7aga 3anno :)

shababik said...

يا رايقة انتي يا صغننة

Tamer Nabil Moussa said...

بوست رومانسى واكثر من رائع

نتظر جديد عزيزتى غادة

كمنجاتي said...

أولا أنا عهايز أعرف أبن المحظوظه اللى الكلام دا كله ليه؟
دا أكيد أمه دعياله وهى كاشفه راسهاالأغنيه أنا بحبها جدا جدا جدا جدا جدا وطبعا مش زى الناس بس انا أول واحد قالك أن الروانسيه بتجرى فى دمك ولو جبنا الأخ ميمى الشربينى يعلق هيقول
(لو حليلنا دم غاده هنلاقى جنب كرات الدم الحمرا كرات تانيه أسمها كرات الرومانسيه)
يلا بااااى بقى

غادة الكاميليا said...

شغف هانم
علشان بس متزعليش غيرت النكد أهو
كراكيب
إيه يا أنتوك الكلام اللي أنا مش قده ده كده هتغر
الحب وأشياء أخرى
يا سيدي ربنا يبعد عنا النوع ده بس منورني والله
الست فنجان
مش بقولك حبيبتي والله مبكدبش انتي على طول كده فهماني ربنا يكرمك يا شيخه
مأمون المغازي
ميرسي على زوقك ومنورني
إياكش تولع
والله بستنى طلتك دي متحرمناش منها تاني وميرسي على كلامك وخصوصا الجزء اللي عجبك أصل البست كله عاجبني وخصوصا الجزء ده
ماريا ماجدولين
ميرسي يا قمر أي خدمه أي حته عايزة تروحيها قوليلي بس
أيمن الجندي
نفسي أقرأ ولو تعليق واحد ليك عندي
ساره
بموت ف الاسم ده منورة المدونه ياقمر
عوليس
التعليق عجبك كويس أوي انه عجبك أنا هعوز إيه أكتر من كده التعليق بتاعي لكن الأغنيه مش بتاعتي ولما يعجبك تعليقي يبقى أنا أكيد ماما دعيالي
هوميروس
النصيحه وصلت يا افندم وسأعتني بالأمر بنفسي ميرسي على زوقك
ميشو
بحب ليلي مراد برده منور وشكرا يا جميل

غادة الكاميليا said...

شبابيك
أخيرا ظهرت يا عم
وبعدين ده على اعتبار سعاد حسني ف صغيرة على الحب ولا إيه احنا كبار أوي
تامر
مش بقولك كلك زوق والله
كمانجه
طبعا أكيد أمه داعياله
بس موتني من الضحك والله
ههههههههههههه

Darweshe said...

انا حبيت امسى عليك بس ياجميل
عشان مدونتك ليها وحشة ياغادة باشا يا كاميليا
مساء الفل

arabic man said...

شو هل الرومانسية
أنا بحب الأغنية جدا
بس من بعد هل البوست راح حبها أكثر